Page 43 - MIN JUS

A31
LOCAL Diamars 17 OctOber 2017
Preveni abuso di mucha

Stichting Fundacion Respeta ta presenta: Pa kico nos

no ta warda secreto den nos cas

ORANJESTAD - Reglanan di siguridad di nos curpa ta un
esfuerso pa por mantene nos muchanan safe contra abuso
sexual. Asina nos duna muchanan e herment necesario pa e
tin mas curashi y comunica na otro hende cu nan ta fuera di
alcance (off limit) pa wordo abusa, segun e relato cu nos a
haya di Stichting Fundacion Respeta.

“Algun luna pasa nos como famia a bay come na cas di algun amis-
tad. Mi a cana drenta den cushina y mi a mira un di e mamanan ta
kinipi wowo cu mi mientras e ta dunando mi yiu homber un di dos
cuki caba. E mama aki ta bisa mi yiu poco poco den su horea: ‘Shh-
hhta un secreto,no bisa bo mama’.

Pa mi grato sorpresa mi yiu a sclama: ‘Oh, pero nos no ta warda se-
creto den nos cas. Nos ta haci sorpresa pa otro’ Na es momento mi
a pensa; mi yiu a comprende y e no tin miedo di papia, danki Dios.
Un regla importante den nos cas ta: ‘no mag di tin secreto’. Nos tin
e regla aki pasobra tene secreto ta un di e ingredientenan clave cu ta
conduci na abuso sexual di mucha. E predador sexual ta conta riba e
hecho cu e mucha lo warda e secreto.

Tin ora hasta ta test e mucha prome via di puntra e mucha pa warda
un secreto chikito y inocente pa wak si e por warda un secreto mas
grandi despues.

Nos mester siña nos yiunan cu nos no ta warda secreto, ni tocante
cos chikito y inocente manera un cuki. Haci nan consciente tambe
cu no mester warda ningun secreto. Por ehempel: ‘No tene secreto
ora un hende mishi cu bo partinan priva’
E mama cu a bisa mi yiu homber pa warda e secreto ta un amiga di
mi y mi sa cu e no tabata tin mal intencion.

Na otro banda, e interaccion aki a crea e oportunidad pa mi por a
comparti cu ne nos ‘Reglanan di Siguridad di nos Curpa’.

Mi a conta cu nos tin sorpresa enbes di secreto. Un sorpresa ta algo
cu bo ta warda pa tempo cortico y despues bo ta comparti e sorpresa
lagando otro hende sinti contento. Pero un secreto ta wordo warda
pa semper y hopi biaha e secreto ta pa proteha algo cu lo laga hende
bira tristo.