Page 44 - MIN JUS

a32 local
Diamars 17 OctOber 2017

Grupo di polis a haya test di oido

gratis na FEPO

ORANJESTAD - Siman di kibra silencio a cuminsa y ya caba FEPO su luganan a
yena pa haci test di oido gratis. Ayera tardi entre otro un grupo di polis tabata e
prome nan pa haci e test.

Manera nos a publica ayera caba, Quota International Aruba a cuminsa oficialmente cu nan
siman di kibra silencio pa conscientisa pueblo riba importancia di cuida oido. E siman a wordo
habri oficialmente tambe pa gobernador Alfonso Boekhoudt ayera mainta. Quota tin 30 aña
mas o menos ta organisa e evento anualmente durante e siman di kibra silencio.

Durante un conferencia di prensa ayera atardi Quota a haci nan prome test di oido pa publico
na Fundacion pa esunnan cu problema di oido (FEPO) na Eagle. E prome personanan cu a
wordo getest tabata cantante Janiro Eisden y Alto Comisario di Cuerpo Policial Dolfi Rich-
ardson, kendenan a subraya e importancia di cuida oido. E test di oido cu ta wordo haci ta un
screening, pues si algun iregularidad wordo haya e instancia lo referi e pashent na nan dokter
di cas pa wak mas detayadamente kico ta e problema cu e persona tin cu su oido.

Localidadnan pa test oido
Quota ta corda pueblo cu 4 organisacion a colabora cu Quota pa asina por brinda test di oido
gratis durante e siman. E 4 luganan unda por reserva un test ta: Oduber & Kan, Aruba Hear-
ing Institute, FEPO y SVb San Nicolas. Presidente di Quota Laurel Romijn-Pope a splica cu
varios persona a yama pa haci testnan y cu cuponan ta limita. Pues e ta curasha esunnan cu tin
interes pa yama e partnernan di Quota pa reserva un luga.

Na mes momento Quota a haya hopi persona cu no a haya e number di telefon corecto pa haci
un cita. E numbernan di telefon corecto pa haci cita ta sigui: pa test na SVb San Nicolas por
yama 5272732. E number pa reserva na Aruba Hearing Institute/oficina di dokter Cabenda ta
5878885. E number pa reserva na Oduber & Kan ta 5824719.

Aunke Aruba Hearing Institute solamente a haya 2 yamada te awo, FEPO mes a reserva un
total di 65 persona caba ayera atardi. Sra. Romijn tambe a bisa cu Oduber & Kan lo ofrece e
testnan di oido gratis te otro siman, aunke cu oficialmente Quota lo cera e siman diasabra
proximo. Riba clausura diasabra tambe Wim Willems di FEPO lo presenta e resultadonan di
e testnan haci na tur localidad. Lo detaya e resultadonan, e edadnan di persona cu a test y e
trabou cu nan ta eherce.

Polisnan a wordo getest
Quota tambe a organisa pa polisnan por haya chens pa test nan oido. Esaki segun Quota ta
pasobra nan ta eherce un trabou unda hopi biaha mester anda cu zonido duro. E 8 polisnan cu
a test a haya resultado positivo. Sr. Richardson a invita henter pueblo di Aruba pa pasa un di e
localidadnan pa haci test di oido. “E oido ta algo cu nos tur tin cu cuida, specialmente pasobra
awo nos ta drentando temporada di Pasco y un bes ki tambe Carnaval. Den e temporadanan
aki bo oido ta wordo exponi na mas zonido, pues nos di parti di Cuerpo Policial ta duna nos
sosten y aporta na e accion aki”.

Persona honra
Durante siman di kibra silencio Quota tambe ta honra un persona den comunidad cu prob-
lema di oido cu ta aporta di nan mes manera bek na comunidad. E biaha aki e persona ta un
hoben cu danki na FEPO a logra bay dilanti cu su estudio. E hoben su identidad, Quota lo
divulga riba clausura di siman di kibra silencio diasabra proximo. Quota a splica cu e hoben aki
lo lansa un producto nobo y cu 10% di tur ganashi recauda lo bay pa FEPO, ‘pa asina FEPO
por sigui existi y yuda esunnan cu problema di oido’.