Page 74 - MIN JUS

Art. 275.1. Si pa motibo di e investigacion preparatorio entame, fiscal ta di opinion cu mas
investigacion mester tuma luga, e ta haci esei mas pronto cu ta posibel.

2. Mientras cu e investigacion na Corte no a cuminsa ainda, por destitui di mas persigicion,

tambe riba motibonan deduci n’e interes general.

Art. 276.1. Den e caso di e informacion menciona den articulo 272 fiscal ta haci e sospechoso
mesora haña conocemento cu e echo, riba cua e investigacion hudicial preliminario tin relacion, lo no
wordo persigui mas.

2. Si detencion provicional a wordo aplica y fiscal a haci e informacion menciona den articulo
272, e ora ei dor di esei tur ordo pa detencion provicional pa sera e investigacion hudicial
preliminario. E hues-comisario ta haci di esei mencion den su disposicion.

Art. 277.1. Si un investigacion hudicial preliminario a tuma luga, fiscal ta haci, fuera di e caso di

articulo 276, no mas tarda denter di un luna despues cu e disposicion pa sera esei a wordo notifica
n’e sospechoso, sea e aviso aki, cu e, relaciona cu e echo riba cua e investigacion ta tin relacion, lo

no wordo persigui mas, sea dagfar na Corte.

2. E periodo por wordo prolonga, riba demanda di fiscal dor di hues-comisario, un biaha mas pa
maximo un luna Si fiscal segun articulo 279, di dos parafo a pidi Hof pa concede, e periodo
ta wordo prolonga legalmente te cu e diescuater dia despues cu Hof dicidi riba e peticion.

3. E fiscal por, riba e peticion di ed sospechoso, y bou di a stipula cierto condicionnan of no,
tuma un cierto periodo mas largo pa haci aviso conforme e prome parafo.

Periodo di un luna pa fiscal dicidi di persigi of no

Art. 278.1. Si e investigacion hudicial preliminario no ta tuma luga, pero si detencion provicional a

wordo aplica, e fiscal ta haci asina e caso a wordo trece na claridad, sea avisa e sospechoso cu e,
respecto e echo pa cua detencion provicional a wordo aplica, lo no sigi persigi’e mas, sea dagfar e na
terechtzitting.

2. Hues-Comisario por, riba peticion di e sospechoso, stipula un biaha mas un periodo di
maximo un luna pa fiscal, denter di cua e mester bai over pa avisa of dagfar conforme e
stipulacionnan di e prome parafo.

3. E sospechoso ta wordo tende riba e peticion.