Page 74 - MIN SOC

Supermercadonan Chines ta competi hasta cu tiendanan di
paña, auto parts, entre otro!

Publication: Wednesday, 20 May 2015. Categoria: General

Consumidor ta puntra: “Unda mi ta cumpra awor”?

ORANJESTAD (AAN) – Cerca hopi consumidor den nos comunidad, a surgi e pregunta “Unda
mi cumpra awor?

Esaki den sentido cu, por ehemplo, un consumidor ta sali for di cas y bay e supermercado of
minimarket mas cerca unda e ta haya tur cos sin excepcion; for di articulonan di come, te cu
articulonan pa auto, pa school, pa cas, pa bisti y hopi mas.

Kiermen, e consumidor no mester bay na e tiendanan cu ta specializa mas, por ehemplo den
Caya Grandi. Esaki ta motibo cu den Caya Grandi no tin cumprador mas.

“ Laga nos compronde di un solo biaha, no perde tempo pa saca teorianan di fantasma pa culpa
tur sorto di circunstancia, pero nos mester wak esaki manera cu e ta”, un consumidor a comenta
pa nos redaccion.

Den futuro nos pueblo lo wak cu e tiendanan den Caya pa competi y keda existi, lo mester pasa
pa cuminza bende tur articulo tambe: “entre e pañanan elegante y zapato, e consumidor por piki
hariña, manteca, y si falta, azeta pa auto tambe. Nos lo bira e prome Isla na mundo cu tur tienda
ta bende tur cos y e ora ey nos por bisa cu e competencia ta husto” segun opinion.

Por ehemplo, un lugar di auto parts por cuminza bende cuminda, pasobra di con
supermercadonan chines si por bende delaster un cos?

http://www.diario.aw/2015/05/supermercadonan-chines-ta-competi-hasta-cu-tiendanan-di-pana-auto-
parts-entre-otro/