Page 75 - MIN SOC

Unico solucion pa e trahador awor aki ta hisa

salario minimo

Por mira cu ya gobierno mes ta wak cu costo di bida a subi, hopi belasting pa paga ta pone un
peso pa esnan cu ta gana salario minimo pa cual awor ta e momento pa haci algo pa e
trahadornan cu ta hisa salario minimo ta un bon idea sigun presidente di FTA, Rudy Geerman.
E ta splica cu e prijs minimo cu constantemente entre otro e BBO cu a subi aña pasa, e AZV y
esun cu ta bay subi na Juni, eseynan ta trece e florin, specialmente pa e trahadornan cu ta gana
minimum loon, ta bay atras. Ta na su lugar awor aki pa toch wak e posibilidad pa aumenta,
pasobra ta necesario, pasobra e gastonan aki ta bin. Kizas na e momento aki no ta haya e costo di
bida dje halto aki, pero sa kico ta e caso.
E costo cu nos tin awor aki, segun Geerman, saliendo for di punto di bista, e dos gastonan cu a
trece y mirando cu e cambionan locual cu awor aki ta bay cada biaha banco pa haci cambio, ta
trece mas gasto cu consecuentemente ta mas motibo ainda y hustifica pa por yega na un acuerdo
pa hisa e minimum loon.
Pa e trahadornan ta necesario y FTA ta apoya e minister pa su pensamento pa loke ta purba di
aumenta e minimum loon.
Geerman ta sigui splica cu pa aumenta minimum loon no mester ta cu mester di kita hende. E
minimum loon ta wordo aumenta solamente ora cu e ley forza e comerciantenan pa aumenta e
minimum loon. Si cos ta bon of mano, pero e comerciantenan no ta aumenta e minimum loon. Ta
ley tin cu pasa pa nan aumenta esaki.
Di nan mes nan no ta hacie. Solamente ley tin cu obliga e comerciantenan cu ta pega riba e
minimum loon. Consecuentemente ningun compania lo bay cera. Sa cu ta pasando den dificultad,
pero pa aumenta algun florin pa luna lo no ta den e caso aki, pa un compania cera.
E sindicalista a splica cu si algun compania ta bisa cu ta pasando den momentonan dificil, pero
pa aumenta e minimum loon, den e caso aki ta un motibo pa retira trahador. Ta haya toch ainda
economia di Aruba ta bayendo. Costo di bida ta creciendo poco poco, turistanan ta bin Aruba y
consecuentemente no ta mira motibo, djis pa aumenta minimum loon, mester retira trahador.
Di biaha asina ta dificil pa sinta discuti, wak e porcentahenan kico a subi, e ora yega na un
consenso pa loke ta aumento. Ta bon pa e minister manda un conseho pa SER pa nan discuti
esaki, Geerman a finalisa.

http://masnoticia.com/unico-solucion-pa-e-trahador-awor-aki-ta-hisa-salario-minimo/