Page 74 - ttc nov 11,2015

Entre November y December Aruba lo bay haya mas turista
compara cu aña pasa

Publication: Wednesday, 11 November 2015. Categoria: General

Jossy Figaroa di APA:

ORANJESTAD (AAN): Ta bay bira un temporada hopi druk, mientras cu ta bira frieu den otro
paisnan, na Aruba e ta keda toch un atraccion pa e temporada. Segun director di Aruba Ports
Authority, sr. Jossy Figaroa, ta conoci cu pa e aña aki APA ta haya un cantidad menos di turista
crucero cu aña pasa.

Tin cu bisa si cu pa luna di November cu luna di December ta haya mas turista cu ta haya na aña
2014. Motibo cu pa e aña aki ta haya menos ta pasobra cu Pullmantur a saca su barconan y a
proyecta cu lo haya mas turista, pero ora nan a saca nan barco, a pone cu a baha hopi.

Ta prepara si. Continuamente tin hunto cu ATA y Ministerio di Turismo, tin cu combersacionnan
cu e companianan na unda continuamente ta puntra nan kico mas nan kier pa haci y un di e
cosnan cu ta bisa cu tin cu sigui innova e producto na Aruba.

Como cu straño cu e por zona, pero tin hopi repeaters. Hendenan cu ta subi barco crucero no un
biaha, sino diferente biaha nan kier bin Aruba y cada biaha nan kier haci algo otro. Ta bon pa
keda bin cu productonan nobo. Algo otro tambe cu ta bisa pa ora nan yega, pa percura pa e
turistanan por Sali lihe.

Ora cu tin Carnival Breeze tabata haya e keho cu no tin suficiente taxi pa hiba e hendenan
rapido. Nan ta keda aglomera y esey ta trahando riba dje. Cada biaha cu ta tende kico por ta e
kehonan di turista, hunto cu ATA ta wak con ta miho pa trata e punto ey.

Tin cu bisa cu DOPV y diferente otro instancia di gobierno tambe ta duna un man. Varios biaha
a trece ATA dilanti pasobra ultimo tempo ta traha pega cu otro, no solamente na Aruba, pero den
exterior tambe. Ora bay conferencianan ta bay hunto, ta trata e companianan hunto. Nan no ta
mira un APA ta sinta na mesa, despues un ATA ta sinta na mesa. Ta sinta na mesun mesa y ta
papia cu un lenga cu nan.