Page 7 - AM201106
P. 7
Diabierna, 6 November 2020 AWEMainta 7
ACFF lo tin su College Fair, pero lo ta virtual
Aruba College Fair Foundation ta anuncia cu
diabierna y diasabra, 13 y 14 di november awor
lo tin pa prome biaha e Aruba Virtual College
Fair. Semper e College Fair tabata den perso-
na, pero pa rason di e pandemia, un otro so-
lucion mester a wordo busca pa tog brinda e
studiantenan e informacion importante cu nan
mester pa tuma decision. Participacion ta gra-
tis pa tur studiante.
E Feria lo tuma lugar di 8AM pa 8PM. Presen-
te lo tin colleges y universidadnan conoci, pero
e pandemia a trese oportunidadnan nobo pa
scolnan cu antes no lo nunca por a bin Aruba.
Esaki ta un desaroyo tog positivo y a trece mas
variacion pa nos studiantenan.
Pa un lista completo di cua scolnan lo ta pre-
sente, studiantenan por bishita nos website:
arubacollegefair.com. Pero tin representacion di e
siguiente paisnan aki: Aruba, Abu Dhabi, Bar-
bados, België, Canada, Merca, Panama, Spaña,
Swisa,
Pa participa, studiantenan mester registra y
sign up p’e sessionnan/presentacion di e scol-
nan ta ofrece riba e plataforma virtual. Scolnan
na Europa lo tin sessionnan primordialmente
parti mainta y scolnan den nos region, lo tin
sessionnan henter dia.
Nos ta invita y urgi tur studiante pa probecha
di e oportunidad cu ta wordo brinda na nan pa
nan por haya e informacion di estudio, costo,
procedura di aplicacion y otro informacion vali-
oso cu nan mester. Tambe lo tin presentacion
di oficialnan gubernamental di Merca y Cana-
da relaciona cu aplicacion pa visa di studiante
p’e paisnan aki. Deadline pa studiantenan reg-
istra pa participacion n’e Feria ta dialuna, 10
di november. Studiantenan por registra via nos
website: arubacollegefair.com y klik riba Student
Registration y sigui instruccionnan di registra-
cion.
Ta importante p’e studiante sign up p’e sessi-
onnan tambe sino e lo yega e plataforma sin
session pa drenta. Aruba Virtual College Fair
2020 ta warda tur studiante p’e oportunidad
aki, Muzaninn Wever, Presidente di ACFF.
