Page 13 - AHATA

Vice Presidente di Parlamento, Alan Howell a indica cu e ta hopi orguyoso di Tristan

Nedd, un hoben cu a demostra cu e si ta kere den districto di San Nicolas. “No solamente

como parlamentario, pero mas ainda como un yiu di San Nicolas, unda cu mi a nace,

crece y keto bay ta biba, mi kier felicita Tristan cu pronto lo habri su café “Mundi’s

Health Café” na Nicolaas Store”, Alan Howell a expresa. El a agrega cu ta e entusiasmo y

vision di personanan manera Tristan, San Nicolas tin mester pa hunto cu Gobierno por
logra haci di San Nicolas nos centro historico y cultural. El a haci un apelacion na un y

tur pa sostene iniciativanan local, unda ta duna realce na loke ta di nos y den e caso

specifico aki, un atencion extra special na San Nicolas. “Un bes mas, masha pabien!”