Page 4 - POST ARUBA JULY 30, 2015

Post Aruba ta cumpli cu reglanan di siguridad pa manda y
ricibi paki
Wednesday, 29 July 2015 20:34

Comparti

Cu introduccion di fax y despues di email y texting, e necesidad pa manda tur corespondencia pa
medio di postkantoor a baha considerablemente. Banconan y companianan di seguro cu ta manda
documentonan oficial pa nan clientenan ainda ta haci hopi uzo di postkantoor, pero servicio pa manda
y ricibi paki ta loke ta tumando over.
Post Aruba N.V. ta sigui ocupa un posicion fuerte den nos comunidad, actuando pro activamente y
haciendo bon uzo di e miho practicanan di Union Postal Universal, cu ta sigui desaroya servicionan di
manda y ricibi paki.
Mandamento y ricibimento di pakinan ta bayendo hopi bon, asina Guillermo Raymond kende ta
Director di Post Aruba N.V. a remarca, añadiendo cu esaki ta trece cune cu tin cliente cu lo purba di
manda of ricibi productonan ilegal via di Postkantoor. E ehecutivo di Servicio Postal ta lamenta cu tin
cliente ta kere cu e control lo ta menos of no tin control mes, pero reglanan estricto internacional y
local ta haci cu ta controla tur pakete na fronteranan, ora subi avion, barco y ora nan yega na cualkier
Postkantoor rond mundo.
Cu ta haya cosnan ilegal den paketenan na Postkantoor ta confirma cu e control ta hopi estricto, segun
Guillermo Raymond, kende tin 32 aña trahando na servicio postal y cu desde 2013 ta ocupa e funcion
di director. Como miembro di Union Postal Universal y particularmente despues di 9/11 cu tanto
incidente straño tumando luga rond mundo, Post Aruba N.V. ta mantene su mes na reglanan estricto.
E paisnan cu ta ricibi e pakinan tambe tin regla y proceduranan pa sigui. Pa cu paketenan cu ta sali ta
vigente e reglanan di Union Postal Universal y tambe e reglanan di e aerolinea cu ta transporta e
pakinan.
Tin camara instala den tur postkantoor, tin mas empleado encarga specificamente cu siguridad y Post
Aruba ta percura pa empleadonan ricibi e training necesario, sinembargo ta dificil pa Post Aruba N.V.
determina contenido di un paki.
Banda di su propio miembronan di siguridad, Post Aruba N.V. ta conta cu dos Duanero trahando
diariamente eyden. Asina cu durante control di pakinan cu ta sali of drenta, cu e empleado di Post
Aruba nota un paki cu ta mustra sospechoso, di biaha e ta acerca Duana pa asistencia. Ta pasa hopi cu
mester pidi Duana pa asistencia y e colaboracion entre e Duaneronan na Postkantoor y e trahadonan
di Post ta hopi bon, di acuerdo cu Guillermo Raymond.
Ademas di e personal cu a ricibi training y ta capacita pa cumpli cu e proceduranan di Union Postal
Universal, Post Aruba N.V tin dos persona actualmente den training pa e funcion di Postal Security. E
dos personanan aki ta controla e proceduranan tambe y ademas, ta siña con pa detecta cosnan ilegal,
documentonan y placa “counterfeit” (falso) y ki pasonan y accionnan pa tuma, dependiendo di kico
nan a haya.
Servicio di Post ta existi pa varios siglo caba. Antes post tabata yega Aruba via waf di Oranjestad, den
botonan procedente di Venezuela of Corsou y habitantenan mes tabata busca nan carta. Na aña 1892 a
nombra Gezaghebber como Director di Post y a dun'e e responsabilidad pa entrega cartanan. E prome