Page 5 - POST ARUBA JULY 30, 2015

edificio di Post tabata situa na Plaza Daniel Leo y a muda na aña 1958 pa e edificio actual situa na J.E.
Irausquin Plein # 9.
E servicio a resorta semper bou di Antias, pero na aña 1986 a bira Dienst Posterijen como un
departamento di Gobierno, mientras cu dia 24 di augustus 2005 a independisa e departamento den
un compania priva, Post Aruba N.V. cu su oficina principal situa na Oranjestad, pero cu 3 oficina
adicional na Santa Cruz, Noord y San Nicolas. Ey ta ofrece tur tipo di servicio, for di manda un
envelop, te na carga pisa, sin lubida nan servicio di manda placa via Western Union.
Post Aruba N.V. ta conta cu 111 empleado, cu diariamente ta yega na 42 mil adres, inclui adres
comercial y residencial, situa tur rond di nos isla. Mas cu djis un servicio, e empleadonan atento ta
percura pa tanto comunidad como sector comercial por comunica cu otro.
Pa mas informacion riba servicionan di Post Aruba N.V., bishita e website www.postaruba.com

Western Union ta celebra “Dia di Aprecio” diabierna
awor
Wednesday, 29 July 2015 20:39

Comparti

Diabierna awor dia 31 di juli, Western Union, siendo un parti di e servicionan cu Post Aruba N.V. ta
ofrece, ta celebra dia di aprecio na cliente. E evento ta programa entre 9:00am pa 12:00pm na e
oficina principal di Post Aruba N.V. situa na J.E. Irausquin Plein # 9 na Oranjestad.
Di e forma aki Western Union Aruba ta mustra nan aprecio y ta gradici clientenan pa nan sosten y
lealtad continuo ora di manda placa di un persona pa otro for di Aruba pa mayoria parti di mundo y
tambe pa ricibi placa.
Specialmente pa e ocasion aki, lo transmiti e programa radial “La Mania” via e emisora Latina F.M. cu
Oscar Fernandez den forma bibo for di Post Aruba N.V., den cual lo suministra mas informacion di e
servicionan y pa gradici clientenan pa ta uza servicio di Western Union, situa den e oficinanan di Post
Aruba N.V. na Oranjestad, na Santa Cruz, Noord y San Nicolas.
Tur cliente cu bishita Western Union Oranjestad of Post Aruba N.V. na Oranjestad diabierna awor lo
ricibi algo di come y bebe. Specificamente e clientenan di Western Union cu haci transaccion durante
e oranan di e evento, lo haya oportunidad di spin un ruleta digital y participa pa gana diferente premio
manera lunch na restaurant, ticket pa bay mira pelicula na Caribbean Cinemas, regalo di Totto y
varios regalo adicional.
The Western Union Company ta estableci na Meridian, Colorado, na Merca. E ta conoci rond mundo
pa su servicio di mandamento di placa di un punto pa otro. Te cu aña 2006 nan tabata popular pa nan
servicio di telegram. Nan ta un di e companianan di "person-to-person money transfer" cu mas oficina
tur rond di mundo.
Na Aruba, Post Aruba N.V. ta representa y ta ofrece e servicionan di transferencia financiero personal
di Western Union pa varios aña caba. Western Union tin no menos di 4 sucursal situa den tur e