Page 7 - AWEMAINTA19AUG

AWEMainta Diasabra, 19 Augustus 2017 7

SER no a wordo scucha VIA e medionan di comunicacion Sociaal Ecocomische

Den e proceso di ahustcion/aumento di Raad (SER) a tuma nota di e desicion di Gobierno di Aruba
pa aumenta e salario minimo entrante 1 di augustus 2017.
salario minimo entrante 1 di augustus 2017 Pa verifica locual a sali den medionan di comunicacion SER
a bay sondea e documentonan oficial cu ta haci aumento
aki posible cual a resulta di ta e Landsbesluit, houdende
algemene maatregelen di 21 di juli (AB 1989 no. GT 26)
(tussentijdse aanpassingen augustus 2017) y tambe e co-
respondiente Nota van Toelichting.
Despues di a studia e dos documentonan aki, SER tin cu
remarca cu e proceso aki no a cana segun ta stipula den ley.

E proceso di aumento di salario minimo ta ancra den e ley
esta e articulo 13 di e Landsverordening Minimumlonen,
caminda tin claramente stipula cu Gobierno mester scucha
(conseho di) SER prome cu bay over na ahusta/aumenta
e salario minimo.
Den e caso aki no a drenta ningun peticion pa conseho na
SER di Minister di Trabou tocante un ahustacion/aumento
di e salario minimo entrante 1 di augustus 2017.

Den e Nota van Toelichting di e Landsbesluit caminda e
ahustacion/aumento di e salario minimo a wordo regla,
Gobierno ta menciona cu SER a wordo scucha pa medio di
e SER-advies “Aanpassing van het minimumloon per 1 di
januari 2017” di 2 december 2016. Sinembargo, esaki no
ta corecto pasobra den e conseho menciona, SER a duna
Minister di Trabou un conseho riba un posibel ahustacion/
aumento di salario minimo specificamente y exclusiva-
mente entrante 1 di januari 2017.

Manera ta usual den fin di aña, riba 9 di november 2016
SER a ricibi un peticion di Minister di Trabou (fecha dia
1 di november 2016) pa un conseho riba un posibel ahus-
tacion/aumento di e salario minimo entrante 1 di januari
2017.
SER basando su mes riba articulo 13 inciso 1 y 2 di e
Landsverordening Minimumlonen pero tambe rib’e posibel
uzo di inciso 3 (aunke Gobierno no a duna “bijzondere
omstandigheden” conforme e inciso aki den su peticion
na SER di 12 di november 2016, locual si el a duna
awor den e Nota van Toelichting) y evaluando esaki cu
su investigacion y analisis di e desaroyo y expectativa di
(crecemento) economico relevante na y pa Aruba, a duna
un conseho negativo tocante un ahustacion/aumento di e
salario minimo entrante 1 di januari 2017.

Por lo pronto SER ta mantene su posicion inicial encuanto
e ahustacion/aumento di salario minimo tanten cu e no
ricibi un peticion oficial di Minister di Trabou.
Si esaki sosode SER lo duna un conseho basa rib’e sitiacion
social economico actual.

Mirando cu SER ta di opinion cu e proceso di ahustacion/
aumento di salario minimo entrante 1 di augustus 2017,
no a bay segun ley pasobra Gobierno no a scucha (conseho
di) SER prome cu a bay over na dicho ahustacion/aumento,
SER tin duda rib’e sostenibilidad di esaki.
SER a informa Minister di Trabou como tambe Gobernador
tocante e situacion aki, mirando cu esaki ta causante di
preocupacion y incertidumbre grandi den nos comunidad.