Page 19 - KPA MARCH 22,2016

E mama a relata, cu e tabata cu su yiu te banda di 6:50 pm, y e ora ey su yiu muher a bay
direccion Kudawecha. Na caminda di Kudawecha ainda su yiu muher a papia via telefon cune,
pues tur cos tabata OK.
Sinembargo den careda di 7:18 pm, su yiu muher a yame y a conte cu hendenan a penetra
drenta cas y nan a mara su man- y pianan. E yamada aki a shock e mama, pero el a core yama
Polis mesora pa notifica nan.
Polis a haya sa di e Reina di Carnaval, cu e tabata e momento ey su so na cas, y a sali pafo djis
pa un rato. Ora el a bira pa drenta bek, inespera a aparece tres persona patras di e cas. Nan a
cana riba e patio cu dak, bin den su direccion, y a sigui su tras.
Tur tres persona tabatin nan cabez tapa, y unavez a drenta e cas, por a tende nan comunica na
un Papiamento normal, sin nada di accent.
Ta trata di dos homber y un muher, y nan a bisa e victima cu e mester keda keto! Kico nan
tabata busca? Esey nan no a bisa e victima. Despues nan a pasa man pa un cuchio, corta un T-
shirt blanco na dos pida y e tela aki nan a mara tanto su mannan y pianan na otro.
E trio asina a cuminza coba rond, y despues cu nan a bolter den diferente bulto di paña, na
final nan a baha bay probablemente den un auto preto, segun e victimanan parecido na un
Hyundai Getz.
Mas informe no por a haya di e victima, debi cu e no tabata den estado pa papia hopi.
Na e momento ey tambe, Ambulans a presenta pa asina check e salud di e victima, aunke e no
tabatin ningun herida.
E Reina di Carnaval a bisa cu e no a wak ningun arma di candela.
Famia a cuminza yuda check, si por ripara cu kico e tres intruso a bay cune, pero na prome
bista no a ripara nada. Kico e 2 homber y 1 muher ey tabata busca anto, siendo cu no a bay cu
cos di balor.
Algun rato despues, ta e wela di e Reina di Carnaval a sinti su curpa malo, y Paramediconan
presente a atende mesora.
Recherche Tactico y Tecnico a cuminza haci su investigacion tambe pa asina haya sa kico a
pasa.

http://www.diario.aw/2016/03/intrusonan-agresivo-a-mara-reina-di-carnaval-den-su-cas-pa-asina-

reboltea-tur-cos/