Page 32 - KPA MARCH 22,2016

Driver di Harley Davidson gravemente herida

Publication: Monday, 21 March 2016. Categoria: Policial
Despues di dal den auto na Paradera

Paradera.
Un auto shinishi tabata coriendo riba e caminda y di direccion contrario e Harley Davidson tabata bin.
Banda di Best Deal e brommer a bay den robez dal masha fuerte mes den e auto.
E manehador a bay cay riba caminda. E brommer a keda poco pariba di e rotonde, e auto mey mey mitar
riba caminda y acera pazuid di caminda. E victima Alex keda pariba di e auto. Un hefe di polis cu a yega
na e sitio a pidi pa ambulance cu urgencia.
E victima tabata tin basta sla y fractura na pia. E tabata na tino pero no tabata comunica. Dos ambulance
a presenta. E chauffeur di e auto ta un dama y tambe tabata sinti su curpa. Airbag a bula den e auto ora
e brommer a dal den dje.
E daño material na e auto ta confirma tur cos con fuerte e accidente tabata. E dama tambe a wordo hiba
Hospital. Polis a sera caminda mesora y e area pa e ta liber pa yuda e victimanan y por a haci e
investigacion tambe.
http://www.diario.aw/2016/03/driver-di-harley-davidson-gravemente-herida/