Page 35 - KPA MARCH 22,2016

Polis a detene Tata debi na maltrato severo di
su propio baby

Publication: Monday, 21 March 2016. Categoria: Policial
E homber aki a bira Enemigo #1 caba na Aruba

ORANJESTAD (AAN): Esaki no ta di prome biaha! Esaki ta bira su Baby #2 cu misteriosamente ta haya
golpi pisa na su pia, na su pecho, y na su cara! Aunke cu den e caso di e Baby anterior, no tabatin
suficiente prueba cu el a comete e caso… e biaha aki si e homber J. Tromp di 27 aña di edad lo tin di bay
responde na Autoridad Hudicial como tambe Huez pa loke el a haci.
E ta algo increible y dificil pa compronde. Su propio baby di apenas 2 luna di edad, a haya golpi
traumatico na su pia, na pecho, y na su cara. El a sufri un pia kibra, varios ribchi kibra, y sla duro na su
cara.
E baby a sobrevivi, pero e disgusto den pueblo apenas awor ta cuminza crece.
Tabata Diaranzon siman pasa, cu oficialnan di Jeugd- en Zeden Politie a detene e homber J. Tromp di 27
aña di edad, despues cu su pareha a entrega keho.
Fiscal Auxiliar a traha mesora, y a duna orden pa e wordo encarcela mesora, pa asina trece trankilidad
pa e famia y hasta e baby.
E baby mes ta interna den Dr. Horacio Oduber Hospital pa recupera di diferente golpi, y demas trauma
cu el a sufri.
Famia mes a divulga, cu e pober baby a ricibi 4 ribchi kibra, pia a fractura, y tin golpi mahos na su cara.
Den fin di siman, potret di e baby a circula riba Social Media. DIARIO a dicidi cu lo no publica e potret di
e criatura.
Hecho ta cu Docternan ta sacando un rapport medico pa indica kico tur ta e sla cu e criatura a sufri na
man di su agresor y si tin mas complicacion.
Kico por ta e motibo di un agresion asina pisa contra un criatura asina no ta conoci. Pero hecho ta cu e
propio homber J. Tromp aki, den pasado a haye envolvi den caso similar, cu un otro baby.
E tempo ey, e homber a bisa cu e baby di 4 luna (di cual e Mama ta un otro dama) a cay su so for di un
cama (high-bed), y pesey a kibra su pia den e caida. Autoridad Hudicial e tempo ey a detene, pero no
tabatin suficiente prueba cu e mes ta envolvi den e caso ey.
Awor algo similar ta socede, y e biaha aki e Baby tin un Cama mas abao. Con por ta cu un criatura di
apenas 2 luna por cay atrobe, manera e homber J. Tromp a bin ta purba defende su mes cune?
Pa colmo, tin indicacion cu den pasado, e homber J. Tromp a yega di maltrata e mama (di e prome baby)
te cu el a fractura pia di e dama tambe.