Page 33 - ATA 23 SEPT 2015
P. 33
Aruba ta celebrando Dia Mundial di Turismo cu cifranan
sumamente positivo
Publication: Wednesday, 23 September 2015. Categoria: General
Parlamentario Jennifer Arends-Reyes
ORANJESTAD (AAN): E siman aki rond mundo
ta celebra Dia Mundial di Turismo. Aki na Aruba esaki tambe lo ta e caso caminda nos pais ta
celebra e dia aki cu cifranan positivo cu ta sigui marca e gran progreso cu e sector turistico a bin
ta conociendo pa algun aña caba, segun miembro di Parlamento pa fraccion di AVP, Jennifer
Arends-Reyes.
“United Nations World Tourism Organization a declara dia 27 di September como World
Tourism Day y den e cuadro aki Aruba Tourism Authority, lo tene su actividad relaciona cu e
celebracion aki, diaranson 23 di September den Aruba Marriott Resort & Stellaris c’un encuentro
caminda lo tin varios orador mundialmente conoci invita pa e ocasion aki, entre nan Secretario
General di UNWTO, esta dr Taleb Rifai.
Dia internacional di turismo aki na Aruba lo worde celebra den un ambiente sumamente positivo
despues cu cifranan di e prome mitar di aña a bira conoci caminda nos turismo a conoce un
aumento di 16.2% pa loke ta bishitantenan cu ta keda Aruba pa algun dia.
Un cifra impresionante pero cu na mes momento ta un refleho di e trabao grandi y efectivo cu
Aruba Tourism Authority hunto cu e vision di Gobierno y Minister di Turismo, a bin ta hibando
for di 2009.
Un desaroyo importante ora cu nos tuma na consideracion cifranan presenta pa World Tourism
Authority caminda ta mustra cu turismo internacional y mundial a conoce un aumento di 4% cu
ta igual na un aumento di 21 miyon di turista compara cu mesun periodo den e aña prome.
Segun e cifranan aki e sector di Caribe a conoce un aumento di 7% y di esaki turismo di nos pais,
sin duda a saca bentaha di e desaroyo aki, a base di un maneho efectivo.