Page 34 - ATA 23 SEPT 2015

E cifranan positivo aki pa Aruba su turismo den e prome mitar di aña, a ser logra a base di un
vision amplio y implementacion di un programa di promocion specifico, sumamente efectivo y
continuo, cu ta algo sumamente necesario den e desaroyonan mundial di awendia.

Hunto cu e maneho efectivo aki di parti di ATA tin cu menciona cu e sector hotelero a inverti un
sumanan miyonario den nan facilidadnan y ta spera cu pa aña 2016 lo sigui inverti mas miyon pa
drecha e producto hotelero di nos pais.

Aruba Airport Authority tambe ta sigui cu upgrading di henter su facilidad caminda ta haci mas
atractivo pa tur bishitante cu ta yega y bandona nos isla, ta worde bon acomoda y lo sinti nan na
cas y bon trata na tur momento.

Gobierno tambe ta sigui cu proyectonan pa sigui embeyece barionan rond Aruba, no solamente
pa beneficio di nos propio ciudadanonan, pero tambe pa nos bishitantenan.

Un di e proyectonan importante den henter e desaroyo turistico ta keda sin duda e bario di San
Nicolas caminda Gobierno hunto cu ATA ta sigui traha duro pa converti San Nicolas den un
centro cultural cu no solamente lo haya varios museo pero tambe lo bira un centro di
actividadnan cultural, cu diferente tipo di festival tanto musical como culinario y otro
actividadnan cu lo ta dirigi riba promocion y acomodacion di nos bishitantenan.

Turismo ta pasando den momentonan sumamente positivo y ta keda na nos tur pa duna un aporte
positivo na e desaroyo aki considerando cu esaki ta esencial pa nos desaroyo economico,”
Parlamentario Jennifer Arends-Reyes ta mustra.

http://www.diario.aw/2015/09/aruba-ta-celebrando-dia-mundial-di-turismo-cu-cifranan-sumamente-
positivo/