Page 34 - HOSPITAAL

Awor Islanan Por Intercambia Experencia, Idea,

Trayecto Y Mucho Mas – Hospitalnan Di Corsou A

Firma Acuerdo Di Cooperacion Cu Hospital Aruba

 Local
- 11/07/2018

Siman pasa Dr. Horacio E. Oduber Hospital a firma acuerdo di cooperacion cu dirigente
di Fundacion Mariadal di Bonaire y awor a cera acuerdo tambe cu dirigentenan di St.
Elisabeth Hospital SEHOS y HNO Transitie en Exploitatie N.V.. Un biaha mas e
momento aki tabata historico pa tur hospital envolvi den e acuerdo aki.

E prome firma riba e acuerdo tabata di Fundacion Mariadal di Bonaire y awor a agrega
dos firma mas cu t’e dos hospitalnan di Corsou, asina sr. Ezzard Cilié, Director di Cuido
di Hospital, a duna di conoce.

Esaki ta nifica cu ya tin 3 firma riba e acuerdo aki cu e 6 islanan, di cual falta pa haya di e
otro 3 islanan.

Hospital ta contento cu e logro aki, di cual pa hopi tempo ta trahando riba dje. Porfin e
grupo aki a logra formalis’e.

Pa Hospital esaki ta algo grandi y ta trece hopi bentaha pa tur isla. Esaki tin di haber kico
Hulanda ta spera di nan riba e parti politico y e parti gubernamental.