Page 61 - AHATA

El a trece dilanti cu un parti hopi positivo di esaki ta cu e aumento aki ta conta cu
aprobacion di tur gremio comercial, gremio sindical y Gobierno mes.

Minister Croes a probecha di e ocasion pa gradici Comercio y Instancianan pa nan

apoyo.

“Como Gobierno nos ta logra entrante Januari 2020 baha coriente cu 10%, nos ta
aumenta pensioen di biehez y awor ta aumenta salario minimo”.

“Poco poco nos ta haci hopi y tur tiki ta bira un boshi pa te dia cu nos logra e bida digno
cu como ser humano tur tin derecho riba dje”, segun Croes.

El a splica cu ainda mester haci mas, mirando cu segun Sociaal Economische Raad
(SER), e minimo pa un persona biba cune ta alrededor di 2.300 florin pa luna.

SER tambe a aproba pues e aumento di 3% di salario minimo na un manera unanime.

E cantidad di hende cu ta cobra salario minimo ta alrededor di 4000, pero mas cu
25.000 hende ta cobrando menos cu e salario minimo di existencia (2.300).

Esaki ta nifica cu por bisa cu e hendenan aki ta den problema.

Croes a bisa cu esaki kiermen cu apesar cu ta trahando riba husticia salarial, ta
bringando contra hendenan cu ta den pobreza.

“Esaki ta nifica cu apesar cu a aumenta e salario minimo, nos tin un caminda largo
ainda pa bay”, segun e mandatario.

https://www.diario.aw/2019/12/salario-minimo-ta-bay-bira-afl-1815-35/