Page 63 - AHATA

ORANJESTAD (AAN) — Mientras dianan di fiesta ta acerca, Aruba no solamente ta

enfrenta retonan cu e turbulencia politico local ta ocasiona. E problemanan na
Venezuela no a wordo soluciona y lo sigui afecta Aruba cu mester vigila otro
desaroyonan regional cu lo por afecta Aruba na 2020.

Ningun pais na mundo por papia di independencia total. Interdependencia ta semper
valido na un mundo cu continuamente ta bira mas chikito cu adelanto tecnologico.

Con dependiente un pais ta di otro pais, por wordo midi na diferente forma. Ora ta

papia di Constitucion, ta papia di lasonan di Aruba cu Reino di cual constitucionalmente
Aruba ta forma parti.

Ora ta papia di sistema monetario, di financia y economia, bista mester wordo dirigi
directamente riba Merca, Estados Unidos, di cual economia di Aruba ta depende pa un
gran parti.

E pilar economico di Aruba, turismo, manera na hopi ocasion DIARIO a adverti, ta

depende na prome luga di Merca cu por wordo considera como e alma di turismo
Arubano. Tambe a bordo di crucero como turista cu ta keda Aruba, Merca ta kibra tur
otro cifra di resultado di paisnan.

Na varios ocasion DIARIO a papia tambe di e resultadonan cu un eleccion Mericano
sumamente importante lo tin pa Aruba.

Mester tene cuenta cu moneda di Aruba ta mara na e Dollar Mericano y cu cifranan di

importacion for di Merca, cu tambe ta dicidi pa economia y asina pa resultadonan
financiero di Aruba.

DIARIO ta sigui desaroyonan na Merca, caminda dilanti porta di eleccion, Congreso
mester dicidi si ta cuminsa cu un proceso pa baha Presidente Trump for di su funcion.