Page 51 - FUNDASHON LOTTO PA DEPORTE
P. 51
ORANJESTAD(AAN)—Riba tereno di Dragon Hitters durante weekend tabata tin
continuacion di baseball di Aruba Center League.
Diasabra Flatstone ta logra gana e partido contra di Rockets y termina na promer lugar
cu e score di 17 pa 2. Rockets tabata tin 2 careda nan a conecta 2 hit y a comete 3
error. Flatstone tabata tin 17 careda, nan a conecta 9 hit y no a comete error. Pitcher
ganador a resulta Derbyson Maduro y a perde Chanmarv Beaumont.
Mihor bateadornan pa Rockets tabata Dyron Kock di 2-1 dicual tabata homerun,
Chanmarcc Beaumont tambe di 2-1. Pa Flatstone tabata Xavier Werleman a bati di mil
punto di 3-3, Jayden Kock tambe di 3-3, Antron Franken 3-2, Rayven Rasmijn di 2-1
tabata un homerun.
Den oranan di merdia Diasabra tabata tin e tremendo partido entre Grashopper y Stars.
Grashoppers ta logra ta logra bay cu e victoria di 16 pa 14. Grasshopper tabata tin 16
careda, nan a conecta 10 hit y a comete 2 error. Stars tabata tin 14 careda, conecta 6
hit tambe a comete 2 eror.
Cu e victoria aki Grasshopper a termina e campeonata na di dos lugar, Stars na di tres
lugar. Jaitoine Kelly a bay cas cu e victoria mientras cu Reghell Koolman a carga e
derota. Pa Stars a mihor bateadornan tabata Shaqion van der Biezen di 3-3, Daniel
Werleman, Joenelly van der Linde, Rodrey Filiciana nan tur a bai di 2-1.
