Page 54 - FUNDASHON LOTTO PA DEPORTE
P. 54
ORANJESTAD (AAN)- Milliard Academy bao maneho di Gregory Milliard ta sumamente
orguyoso cu apenas nan 3 luna di existencia y ya nan ta cosechando hopi exito
ganando varios competencia local y internacionalmente.
Diasabra pasa tabata den e competencia di mix martial arts caminda e bringadornan
Aldrick Croes, Wally Wester, Gerrick Bontekoe y Pierre Richardson a bay cu Victoria
cas, sin laga afor e hoben Gego Kelly cu a duna un magnifico presentacion y a
demostra cu mester bay tene cuenta cu ne den futuro.
Gregory ta conta cu e prome Victoria pa e academia ta e pelea cu el a gana
internacionalmente. Despues a sigui un campeonato na Judo Center caminda 4 di 5
participantenan di Milliard Academy a haya medaya.
Den luna di Maart tabata tin un un competencia di grappling caminda e 5 mihor scolnan
di Aruba a participa y di e 20 muchanan di e academia, 11 a bin cu medaya. Y pa
culmina e victorianan, Diasabra pasa e academia a bolbe resalta cu 4 victoria.
