Page 57 - FUNDASHON LOTTO PA DEPORTE

Receintemente e Team Beauty Aruba cu su proyecto di transformacion den 12 siman,

tabata den Centro di Bario Brazil. E meta di e team ta pa yuda e personanan cu ta

participa den e proyecto, tanto damas como cabayero y yuda principalmente esnan cu

kier un cambio fisico, di salud, bienestar y peso.

Pero tambe e parti spiritual y emocional. Den Centro di Bario Brazil e team a encurasha

e participantenan pa haci ehercicio y come saludabel y cu nan tin sosten tambe di un

coach cu ta guia y controla nan 24/7.

Riba E dia special aki den Centro di Bario Brazil, a enfoca tambe riba un forma di
integracion di famia, unda cu mayornan y nan yiu , den un ambiente debertido , un

ambiente diferente a haya informacion y siña mas over di come saludabel. Representante

di Team Beauty Aruba, sra Minerva tabata sumamente encanta cu e espacio y

cooperacion cu Centro di Bario Brazil a brinda. President di CBB sra. Stella Lopez a

aplaudi e iniciativa di e Proyecto di Team Beauty Aruba y lo sigui sostene y encurasha

proyectonan asina den Centro di Bario

Brazil. Pa mas informacion over di e proyecto di Team Beauty Aruba, por tuma contacto

cu sra, Minerva na cel. 594 6904.