Page 10 - UTILITIES

Minister Richard Arends: Contrabanda di gasolin ta algo
hopi peligroso

Thursday, 29 June 2017 21:51
Comparti

Nos a papia cu minister Richard Arends riba e peliger y competencia tambe pa tur e pompnan di gasolin
na Aruba. Ta e gasolin cu ta sali di contrabando for di Venezuela, pero ta yega legal Aruba.

Segun Minister Arends, siman pasa el a cera conoci cu e directiva nobo di e Asociación di
Pompstacionnan di Aruba, cual tabata un reunion habri y fructifero, unda cu a discuti riba diferente
punto, vooral pa e cambio cu awor aki cu ta Fuel Marketing and Supply Aruba, cual ta un compania di
RDA. Un di e puntonan cu a clarifica den e reunion eynan tambe ta cu FMSA ta keda un compania
estatal. Ta keda un compania di RDA, mescos cu WEB y Elmar ta companianan di Utilities. Esaki tambe
lo bay ta e caso di FMSA, pa kita cualkier confusion cu por crea eyfo cu lo bay bende e Supply di fuel na
un tercera parti. E ta keda bao di RDA. Esey ta un di e cosnan cu a clarifica durante e reunion aki,
despues cu varios biaha minister de Meza a haci esey. E asunto di contrabanda di gasolin, ta algo hopi
peligroso, aparte di ta un competencia inhusto. E ta pone bida di hende na peliger. E no tin siguridad
tecnico. Tur pomp di gasolin ta wordo controla pa DTI. Ta hendenan individual cu ta trece gasolin for di
afo y e cantidad di gasolin cu ta wordo trafica, ta igual na suma na e litrahe di un pomp di gasolin chikito.
Enbes di 15 pomp di gasolin, nos tin paralel e cantidad igual na un pomp di gasolin extra cu ta bay di
contrabando. Gobierno di Aruba tey pa legalisa level plainfield. Di parti di Gobierno lo sinta hunto cu
colega Dowers di husticia pa wak con pa controla esaki un tiki mas. Ya caba tin un cooperacion entre
departamentonan di Douane, departamento di APA/Astec, cu ta controla eigenlijk un tiki mas severo den
nos awanan, pa tur tipo di contrabando, tur tipo di trafico, trafico di hende, trafico di koper, trafico di
arma, y esaki tambe ta algo cu ta bay controla. E minister ta haci un yamada cu no ta un responsabilidad
di Gobierno so, pa e ciudadanonan no participa den esakinan. Lo bay bin un campaña hunto cu Citgo,
Refineria di Aruba y Asociación di Gasolin, y no pone nan bida y di otro na peliger, door di cumpra
gasolin cu no ta wordo controla y cu ta wordo trafica.