Page 13 - UTILITIES

Tin cu actua den cadena pa por frena free for all riba waf

Thursday, 29 June 2017 21:00
Comparti

Por a tuma nota cu e kehonan riba e contrabanda di gasolin of gasolin cu ta bin di pazuid, a bolbe
lanta cabes y e ta den noticia atrobe.

Di un banda Gobierno tin e responsabilidad tambe pa e siguridad pero tambe pa e tipo di
situacionnan aki pa kisas no ta corecto, of ta falta di haya placa den caha pa motibo di gasolin cu ta
sali di contrabanda di Venezuela.
Minister di finansas, Angel Bermudez, a splica cu en berdad el a tuma nota di esaki den medionan di
prensa den e ultimo dianan, y ta un aspecto di integridad. Tur hende sa cu si bo kier importa fuel,
tur sorto di combustibel, bo tin cu haci’e den e caminda cu ta oficialmente e puertonan di nos pais y
eynan tin cu haci aangifte na douane entre otro. Si bo ta haci’e na un otro manda, den un forma di
contrabanda, e no ta cuadra cu integridad, pasobra eynan bo ta bezig ta mina e pago di accijns, e
pago di invoerrechten y riba dje ta tumando hopi riesgo pa e omgeving cu bo ta aden, den e waf,
jachthaven, riba lama y tambe di e personanan cu ta riba e lanchanan ey pa bay busca e
combustibel.

Manera pa controla y frena

Minister Bermudez a splica cu el a pidi director di Cuerpo di Douane pa pone atencion na esaki pa
wak con cierto momento por frena e desaroyo aki. No solamente e parti di accijzen y invoerrechten
cu cierto momento no ta haya di e actividad aki, pero ta e riesgo y peliger cu nan ta causa pa e
vecindario, tanto na costa como tambe riba lama, pa e personanan cu ta envolvi.

Waf
Den pasado tabata tin diferente departamento cu por tin di haber cu waf. Minister ta bezig cu
Douane, Imigracion ta bezig cu husticia y por mira tambe keto bay un free for all. Minister ta yega
na porta di waf y no por drenta den waf. Tin un trafico di un cantidad di hende djis pa trece carga, ta
sali bay bende riba caya sin cu ta genera placa pa caha di gobierno y cu consecuencia tambe cu tin di
nan cu no ta zuiver koffie y ta comete delitonan. Esaki tin cu frene den cadena, segun e minister.
Den cadena ta nifica cu tin cu actua den cooperacion cu otro departamentonan cu tambe tin un
responsabilidad na waf. No solamente douane, sino polis, polis maritimo, kustwacht, warda nos
costa, etc. Cada ken, den e cadena ey tin un perspectiva cu nan mester warda. Loke ta douane ta
producto, loke ta trabao etc. ta imigracion y polis, conhuntamente mester frena esey y ta bezig.
Siman pasa caba tabata tin reunion na Astec, caminda cu tur e participantenan cu tin papel na waf a
reuni y a base di esey na cierto momento por yega na combersacionnan. Tambe na acuerdonan con
y ki ora tin cu actua pa en todo caso sigura tur loke ta pasa na waf, ta segun ley.

Rosea di comercio
Esaki ta un competencia inhusto segun comercio. Eynan tambe tin un tarea di Douane cu tin cu