Page 27 - Awemainta
P. 27
AWEMainta Diahuebs, 4 Februari 2016 27
Geraldo Milton
lo atende e Asamblea
Anual di e Confederacion
di Basketball di Caribe na
Nassau, Bahamas
DEN su calidad como presidente di Aruba Basketball Bond, Sr. Gerlado Milton lo atende
e Asamblea Anual di e Confederacion di Basketball di Caribe, CBC cu lo tuma luga e
aña aki na Nassau, Bahamas.
Aña pasa den luna di october, Aruba Basketball Bond a atende e FIBA Zone Assembly
2015 cu a tuma luga durante dos dia na San Juan, Puerto Rico unda e Headquarters di
FIBA Americas ta situa. E FIBA Zone Assembly di Caribe lo tuma diasabra awo 6 di Februari.
Pa loke ta e Asamblea di Caribe, varios punto importante den e agenda lo ser
trata, tur esaki na beneficio di e deporte di basketball den e region Cari-
bense. Lo presenta varios relato con a ser traha den e zona nan di Ca-
ribe, tambe lo presenta e relato financiero, e relato di mercadeo,
e relato di “Technical Operations” y na final lo presenta tur e
campeonatonan cu a wordo organisa dor di CBC, CONCEN-
CABA y FIBA Americas den 2015.
Remarcabel ta cu un cantidad grandi di comptencia lo
ta programa den e aña 2016, esaki den tur edad y divi-
sion. Lo trata tambe e tema importante di desaroyo/
entrenamento den 2016 tanto pa e refereenan unda
lo organisa clinicanan mescos lo conta pa e coachnan
sin lubida e atletanan mes. Por ultimo lo toca e tema
di CBC Mini-Basket Program, un programa special
pa esnan cu apenas a cuminsa praktica e deporte di
basketball.
Lotto, e loteria di Aruba no solamente ta aporta
na e desaroyo di nos atleta y entrenadonan, pero
tambe na e participacion di nos dirigentenan na
congresonan importante organisa pa e federacion
regional di e deporte.
Pa nos dirigentenan deportivo e ta di suma impor-
tancia pa keda na altura di e ultimo desaroyo y posi-
bel cambionan rond di e maneho di e deporte dor di e
federacion regional en cuestion.
Un danki sigur na Lotto, e Loteria di Aruba pa medio di Comision
di Subsidio cu a subsidia e biahe di e presidente di Aruba Basket-
ball Bond pa e Asamblea Anual di e Confederacion di Basketball di
Caribe na Nassau, Bahamas.
