Page 13 - MIN TTC AUG 06
P. 13
AWEMainta Diahuebs, 06 Augustus 2015 25
Contribucion di Museo Arqueologico Nacional Aruba
inclui den e plataforma virtual di Nacionnan Uni
UN articulo tocante educacion, investigacion y recreacion den museonan,
skirbi pa Arminda (Vivi) Franken Ruiz, encarga cu maneho di Museo Ar-
queologico Nacional Aruba (MANA) y arquitecto Jose Linares (Cuba), a
ser inclui rib’e website www.worldwewant2015.org.
E website su meta ta pa stimula combersacion na nivel mundial riba
diferente topico cu Nacionnan Uni lo mester inclui den nan ‘agenda post-
2015’. Bou e rubrica di ‘cultura y desaroyo’ a inclui e articulo cu ta ilustra
e meta educativo, recreativo y di investigacion di MANA en particular y
di museonan en general.
E articulo aki orginalmente a ser publica den e serie di publicacionnan di
UNESCO dedica na cultura y desaroyo na 2012. Riba invitacion di UNESCO
Aruba sra. Franken Ruiz e tempo ey, a duna un presentacion na Havana,
Cuba den un conferencia y tayer, cu tabatin como topico e “transformacion
di edificionannan historico den un museo”. E articulo ta un resultado di
e presentacion.
E publicacion number 8 di UNESCO den e serie ‘Culture and Development’
na 2012, tabata conta cu 10 articulo. Di esakinan a inclui 3 rib’e website
menciona. E otro dosnan ta di Fernando Brugman (Hulanda) di Oficina
Regional di UNESCO na Cuba y di Sachi Hernandez (Cuba), curadora
internacional.
E articulo y demas material presenta pa sra. Franken Ruiz durante e
conferencia na Havana, a ser usa hunto cu contribucion di 138 instancia
y profesionalnan mas, pa formula e ‘post-2015 Dialogues on Culture and
Development’ di UNESCO.
E documento aki a ser presenta na Maart 2015 na Nacionnan Uni door di
Sra. Irina Bokova, Directora di UNESCO.
E idea ta pa esaki ser incorpora den e agenda ‘post-2015’ di Nacionnan Uni.
Museo Arqueologico a contribui riba tereno di ‘culture and education’.
Esnan interesa por accede e articulo menciona usando e link https://
www.worldwewant2015.org/node/459954 y e ‘post-2015
Dialogues on Culture and Development’ por haya den
e archivo digital di UNESCO.
