Page 34 - AWEMAINTA

34 AWEMainta Diahuebs, 22 Juni 2017

Centro di Bario Noord celebrando un

biaha mas dia di San Juan ‘Dera Gay’

DIASABRA awor, 24 di juni, CBN tin un tremendo ac-
tividad pa celebra un di e tradicionnan mas bieu di nos pais.
CBN lo tin un programa cu lo cuminsa 6:00 pm y lo ta yena
di musica, baile y competencia. Lo tin presentacion di Ola
Tropical y diferente gruponan di baile.
Naturalmente tambe lo bay tin competencia di e baile di
bandera, baile di San Juan pa pareha y grito di gay y canto
di galiña.

Durante e celebracion bunita aki nos lo tin tambe reconoce-
mento di boluntarionan di curason cu a y ta aporta na desa-
royo di nos dushi bario di Noord mediante CBN.
Lo reconoce un boluntario den cada area cu CBN ta traha:
nos chikitinnan, nos grandinan, nos amanan di cas, domino,
baseball y nos programa anual di actividad (Carnaval, Fiesta
Arubiano, Aruba Doet, Dera Gay, etc). Esaki ta un manera
pa CBN gradici cada un di nan na un manera special.

Henter anochi lo bay tin diferente tent cu cumindanan crioyo,
boca dushi y producto y mas cu claro un bar bon surti. Nos
ta spera pueblo en general, specialmente e pueblo di Noord
pa bin pasa un dushi anochi cultural yena di musica y baile.
Actividad ta start sali 6’or di atardi y lo termina pa 12’or di
anochi. E programa lo clausura cu presentacion di Alma Next
Level hunto cu Robert Maduro caminda publico presente por
lanta y los e pianan.

Pa finalisa nos ta termina cu un mensahe di Vicente Ras -
Gusta cultura y tradicion di otro, stima y cuida loke ta di nos!
Nos ta warda boso na CBN p’asina engrandece nos celebracion
y traspasa un bunita tradicion pa nos hoben y muchanan.