Page 36 - AWEMAINTA

36 AWEMainta Diahuebs, 22 Juni 2017

Maske el a bira un Ola Tropical

Bret su forza a ser senti n’e islanan ABC

AINDA prome cu 6 or di atardi, Servicio Metro-
logico a anuncia cu e alerta di Tropical Watch a ser
caduca, y asina a duna e pueblo e impresion cu lo no
tin nada mas lo pasa.
Esey sigur no tabata e caso, pasobra na Aruba, p.e.
sigur a sinti biento fuerte ta supla, pa despues den
anochi, awa a cay. No manera a ser spera, pero el a
cay, compaña pa biento fuerte.

E biento sigur tabatin su forza, pasobra den oranan
di mainta, specialmente banda di Baby Beach, por
a nota cu laman a subi tera y a bay hopi paden mes.
Maske no tabatin daño, manera p.e.. a sosode na
Bonaire y Corsou

P.e. na Bonaire, por a tuma nota di daño na Sorobon
Beach despues di e mal tempo cu a pasa diamars ano-
chi. For di Michel Winklaar nos a haya algun potret
pa ilustra kico a pasa. Na Bonaire tambe, biento
fuerte lo a ranca un dak completo, kibra suministro
di coriente pa varios ora largo.

For di vocero policia di Corsou, nos a haya un re-
sumen di actividad y asistencia policial cu a ser duna
relaciona cu Bret.
Asina p.e. Ola Tropical ‘Bret” cu a pasa diamars
anochi pa ayera madruga, riba Corsou, Polis mester a
duna asistensia na vários sitio en conexion cu molèster
di biento fuerte.
For di 21.15’or te cu 23.10’or Central di Polis a reg-
istrá un total di 45 peticion pa asistencia.

Asina tambe a drenta informacion cu palo a cay, e.o.
na Caya Ararat, El Grecoweg palo a cay riba cabel
di coriente.
Tambe na varios parti di Corsou, kabel di coriente a
cay, sacando chispa di candela.
Tabatin 4 yamada cu pa palo grandi a cay sea riba
caminda público òf cas.

Dor di e biento fuerte un total di 10 dak a bula bay
y/òf a sufri daño. Polis a sera e área di Saliña pa un
rato p’e instancianan conserní por haci nan trabou.