Page 30 - AWEMAINTA
P. 30
30 AWEMainta Diabierna, 15 November 2019
Homber a cay for di dak halto di un cas na Sabana Basora
DIARANSON atardi ambulance a bay cu urgencia
Sabana Basora, unda un homber a cay for di dak.
Na yegada liher di ambulance, nan a haye e homber
benta abou y kehando di basta dolor. Dor di e caida
el a ricibi un kap na cabes y tambe tabata keha di
dolor na pecho.
Bisiñanan cu a mira kico a pasa mesora a sali pa
yuda, pero mucho no por haci debi cu mester warda
pa ambulance.
E homber lo tabata trahando riba dak di un cas di
dos piso den construccion, e lo tawata poniendo pan-
chi. Kico a bay robes no ta mucho cla, te cu el a cay.
Paramediconan a opta pa transporte pa Hospital.
Homber cu tabata cana cu cuchiu na Pavia a wordo deteni
DIARANSON den oranan di mainta, Polis a bay Pavia,
unda bisiñanan lo a mira un homber canando cu un cuchiu
den man.
Na yegada di Polis berdad nan a topa cu e homber cu bisi-
ñanan a describi.
Un habitante lo a acerca Polis y a splica nan cu e mesun
un homber aki lo tabata banda di algun auto y tabata pur-
ba habri nan. Parce cu te hasta el a logra drenta den un.
Esaki tabata mas cu suficiente motibo pa agentenan de-
tene e homber aki, cu mas sigur tabata cana busca cos pa
horta.
A pidi presencia di transportwagen pa hiba e homber
warda di Polis y tambe Departamento di BFTO (Tecnico)
p’asina saca potret y trata na haya fingerprints.
