Page 31 - AWEMAINTA

Diabierna, 15 November 2019 AWEMainta 31

Ladronnan a comete kiebro y destruccion na Sultan Restaurant

DIARANSON mainta pa mas o menos 11’or,
propetario di e Restaurant Sultan a haya un sor-

presa desagradabel ora el a bay habri.
Na su entrada mesora a ripara cu e ladronnan a

drenta durante oranan di madruga.

E doño mesora a bay mira riba su Security Cam-

era y a bin haya sa cu e acto aki lo a sosode den
careda di 5’or a.m. Riba e monitor por a mira dos
persona, muy probablemente hendenan hoben.

Por mira con nan tabata mira rond wak si por
tin hende lanta of auto ta bin.
Loke nan no a tene cuente cune tabata cu e lugar

tin varios Camera di Seguridad instala.
Despues cu nan a logra drenta nan lo tabata

busca tur caminda cosnan cu pa nan ta di bal-
or. Na final nan a bay cu un caha di placa, pero
mucho no lo a haya aden debi cu ta deposita tur

dia. Segun e doño mas o menos 500 florin nan
por a haya na placa los.

P’e dos ladronnan aki, tin video graba di bosonan
y keho a wordo entrega na Polis pues si ta bon

lo no tarda mucho pa autoridad yega cercanan.

Nissan March cu dama hoben

na stuur a perde control y

drenta mondi na Mahuma

DIAHUEBS madruga pa mas o menos 3:30 informacion a drenta na

Polis cu un auto a drenta mondi pariba di rotonde di Mahuma.
Na yegada di unidadnan policial, nan ta constata cu berdad un auto a

drenta mondi. E auto a bay pega den e cadushinan.

E chauffeur un dama hoben pa un of otro motibo a bay completamente
na su man drechi y drenta den e mondi, y esaki por wordo mira n’e

marca di tirenan riba tera.
Pues bayendo direccion San Nicolas pa un of otro motibo algo a bay robes

y el a kita na man drechi.

Paramediconan na yegada mesora a bay atende cu e dama y despues
di e pone riba brancard/stretcher a hinke den ambulance y sali cune

direccion Hospital. N’e sitio informacionnan no oficial a bisa cu e dama
posiblemente lo a caba di traha y cansancio lo a hunga un rol.