Page 38 - KPA 16 JUNE 2017
P. 38
Mesora e patruya a para e auto y a detene e cuater personanan aki, entre nan
tabata tin e conocido di polis Cacalaca Blanco, den e auto tabata tin un holor
fuerte di marihuana.
E cuater personanan a wordo transporta pa warda di polis y e auto a keda
confisca pa mas investigacion.
K9 Unit di KIA reforsa cu unidad
di transporte for di Hulanda
16 June, 2017
0
Recientemente Minister Arthur Dowers a bishita e Centro di entrenamento di
husticia na Balashi pa ricibi diferente vehiculo cu a yega for di hulanda pa e
unidad canino di husticia cu ta ocupa su mes cu e Instituto Coreccional (KIA). E
vehiculonan aki lo yuda e unidad aki den e trabou cu nan ta haci diariamente
entre otro e guia di preso cu mester presenta na corte di husticia.
Sr. Dick Van Leenen cu ta hefe di e unidad canino di KIA a remarca di ta
contento di por a ricibi 5 unidad volkswagen transporter color shinishi y 5 color
preto full ekipa pa transporta cachonan di husticia, reemplasando asina algun di
e unidadnan cu no ta den e estado mas optimo pa opera aden.
Tin un cooperacion hopi extenso cu e coleganan den reino Hulandes, cu ta haci
posibel intercambio di material y tambe sostene otro na momento cu esaki ta
necesario.
