Page 41 - KPA 16 JUNE 2017
P. 41
Motociclista a dal den van y bolter cu su brommer den
Schotlandstraat
Thursday, 15 June 2017 17:47
Comparti
Diahuebs den oranan di atardi a sosode un accidente basta serio riba Schotlandstraat. Polis a wordo manda poco
pura den direccion di Caribbean Overseas. Eynan a drenta informacion cu un ciclista a ser gedal y e ta herida.
Despues di e impacto el a bay dal den baranca tambe.
Polisnan na yegada a topa cu un coredor di brommer y e brommer benta banda di dje. E hoben tabata herida. E
tabata tin fractura na pia. Paramediconan di ambulance a dune un man mesora pa yude. E tabata grita di dolor. Polis
a topa tambe cu chauffeur di un van. El a splica Polis cu tabata core riba Schotlandstraat y net banda di Caribbean
Overseas a lora links net ora e brommer a bay pase. E no a mira e brommer ora e kier a pase. Un descuido di e
chauffeur di e van pero tambe kizas di e manehador di e brommer cu a opta pa pasa net un mal caminda. E victima a
bay Hospital.
