Page 27 - AWEMAINTA

AWEMainta Diasabra, 4 November 2017 27

Anochinan

grandi di

Love Festival

a cuminsa

ayera

Musica, arte y cuminda

rondona pa bon energia

MIENTRAS cu e programa di actividadnan a inicia
ya caba for di diaranson anochi cu un tremendo fiesta
den Heart Café, e prome di tres gran atardi/anochi
di Love Festival 2017 a cuminsa ayera, diabierna 3
di november.
E festival ta yega asina na su di cuater edicion cu
un version hopi mas amplio di loke ta idea pa trece
energia positivo, musica y arte hunto.

Un di e atraccionnan principal di e aña aki, esta DJ
Roger Sanchez, a yega Aruba diahuebs merdia y ta
masha entusiasma cu e evento y pa comparti cu e
publico local.
El a toca diabierna pa cera e anochi, y tambe lo toca
awe tardi durante e pool party exclusivo na Renais-
sance Hotel.
Admision pa e pool party ta solamente cu VIP Week-
end Pass.

E tereno di Aruba Ports Authority a wak tur e dianan
aki con cada un di e cinco stagenan ta lantando pa
forma asina e Music Boulevard.
Publico por drenta y disfruta di e musica di nan pref-
erencia entre Techno, Love, Underground, Caribbean
of House of Dolls.
Ademas di esaki, tambe por bishita e area di ‘We Love
Food Trucks Festival’, cu diferente opcion pa come,
y tambe ‘Encanto’ cu lo ta e feria di artesanonan lo-
cal exponiendo nan obranan di arte, producto y mas.

Tur esaki, ademas di e warm up parties na Gusto y
Heart Cafe, Beach Parties na Reflexions Beach, Boat
Parties y mas, ta completa e estupendo fin di siman
di Love Festival 2017.

Entradanan no ta obtenibel mas n’e stacionnan di
gasolin CITGO, pero si atravez di e website lovefes-
tivalaruba.com y tambe na porta.
Pa mas informacion di tur loke ta pasando y ta bay
pasa, keda pendiente riba cuenta di Facebook y tambe
Instagram.