Page 66 - miin soc 14th APRIL,2016

cosnan hopi grandi mientras cada uno a resalta den nan area. E hobennan aki cada uno ta un berdadero
inspiracion pa tur otro hoben na Aruba y lo desea pa tur alumno di Filomena Bassischool sigui den nan
pasonan. Mas cu claro trahando duro, e alumnonan aki tambe lo por bini den e buki y haya e
reconocimento bon mereci. Na final Prome Minister Eman a desea e alumnonan tur clase di exito den e
restante aña escolar y pa nan sigui traha duro pa bira un rolemodel riba nan mes.

Cada rolemodel presente a haya e oportunidad di introduci nan mes na e alumnonan presente. Prome
Rosabelle Illis a introduci su mes como poeta y escritora di tres buki di poema. Rosabelle a cuminsa na
puntra cada alumno si nan sa un poesia na cual un alumno a vocifera un bunita poesia dilanti tur
presente. Na final Rosabelle a presenta na tur e alumno y maestronan presente un bunita poesia escogi
for di su di tres buki “Title” titula "Palabra Bunita". Despues e multi talentoso Kyra Hoevertsz a introduci
su mes como un atleta elite den e deporte di landamento sincronisa y alabes Kyra ta cantante y ganadora
dos biaha di Tumba infantil/hubenil na Aruba. Mas cu claro Kyra a mustra su medaya di Brons cu e la
gana den e Weganan Centro Americano y del Caribe na Veracruz 2014, cual sigur tabata un di su
logronan di mas grandi como atleta. Por ultimo e hoben Ayrton Tromp a introduci su mes como un
fotografo profesional y alabes un entrepreneur hoben mirando cu su apenas 19 aña di edad ya e tin su
propio negoshi di fotografia. Como hoben Ayrton a encurasha tur mucha pa conoce nan talentonan y
sigui explora pa so un dia nan tambe por haci esaki bira nan profesion.

Na final e alumnonan intercambia, haci pregunta na e rolemodelnan y a keda asombra cuanto talento tini
riba nos dushi isla di Aruba. Un dia nan tambe lo desea di bira un Hoben y Talentoso. E EXPO Hoben y
Talentoso a sali for di e proyecto Hoben y Talentoso cu pa tres aña ta honra hoben talentonan local pa
medio di un Award Book. Un proyecto cu cada aña ta birando mas grandi y ta acapara hopi atencion den
nos comunidad.