Page 62 - miin soc 14th APRIL,2016

den e fondo di pensioen.
E mandatario a informa cu pa por cumpli cu e grupo aki, tambe a instala un comision cu ta consisti di
representantenan sindical di APFA y di gobierno. E tarea pa e comision tabata pa trece diferente
sugerencia riba con por regula y yega na un areglo di pensioen pa e grupo aki.
E rapport definitivo ta conta cu 5 scenario cu e comision encarga ta sugeri como posibel solucion pa e
grupo, cada scenario tin su prijs y ta depende di e altura di e sumanan. Sin embargo ta sali for di punto di
bista cu tanto e empleado como Gobierno lo contribui den e areglo aki.
Minister di Finanzas, Angel Bermudez ta gradicido pa e trabou cu e comision a desplega y awor lo hiba e
rapport pa e siguiente fase unda cu lo laga evalua e proposicionnan aki y propone e scenarionan
den Conseho di Minister pa asina yega na un decision final.

Minister di Husticia a ricibi e prome ‘Quick Reference Card’
di traficacion di hende

Wednesday, 13 April 2016 18:53
Comparti

Recientemente Coordinador Nacional contra Traficacion y Contrabanda di Hende pa Aruba, mr. drs.
Jeannette Richardson-Baars a entrega den nomber di e Taskforce contra Traficacion y Contrabanda di
Hende Aruba
, e prome ‘Quick Reference Card’ (QRC) na Minister di Husticia, mr. drs. Arthur Dowers.

Diahuebs 14 di april e Taskforce lo bay cuminsa cu un training pa empleadonan di departamentonan di
Gobierno y institutonan na Aruba cu por confronta den nan trabou cu posibel casonan di contrabanda of
traficacion di hende. E training ta pa siña e trahadonan con pa reconoce indicacionnan di contrabanda of
traficacion di hende y kico mester haci.

E QRC lo wordo duna na e trahadonan cu a sigui e training y ta duna un lista di e indicacionnan cu e
trahadonan por wordo confronta cune. E Coordinador Nacional ta enfatisa cu ta hopi importante pa
indicacionnan yega cerca dje y su grupo pa por tin bon bista riba casonan di ‘sclavitud moderno’ y por
investiga nan. Pesey e number di telefon di Hotline (5923231) y email (tmma@kparuba.com) ta poni riba
e QRC.

E prome trainingnan ta wordo duna na e departamentonan cu ta traha na fronteranan di Aruba. Mas o
menos 100 persona di IASA, Warda Costa, Polis Maritimo, Polis di Aeropuerto, Polis di Waf y Polis
Militar Hulandes lo forma e prome klasnan. Despues lo sigui cu mas o menos 150 persona di Ministerio
Publico, Departamento di Asuntonan Social, DIMAS, Departamento di Labor, Aduana, Departamento di
Asuntonan Exterior, Guarda Nos Costa y Bureau Slachtofferhulp di Cuerpo Policial Aruba.

E trayecto ta cera cu mas o menos 300 trahado di Cuerpo Policial Aruba cu no a haya e training como
parti di nan educacion basico of avansa.

Mescos cu aña pasa e Taskforce e aña aki lo duna voorlichting na studiantenan cu ta caba scol y lo bay