Page 58 - miin soc 14th APRIL,2016

Minister Paul Croes: "Projecto Ban Traha ta continua"

Wednesday, 13 April 2016 19:35
Comparti

Desde 2014 nos a inicia un proceso caminda nos ta trata di reintegra mas tanto persona posibel for di
bijstand y pone nan na pia di trabou. Mientrastanto, nos a logra yega na 370 persona menos cu ta
cobrando bijstand y di cual sigur 250 persona a wordo reintegra den e mercado laboral.

Banda di esaki, pa medio di miho control nos a conoce un reduccion financiero pa nos presupuesto cual a
resulta den alrededor di 3.5 miyon florin menos.

Minister Paul Croes ta kere cu nos tin hopi persona den bijstand cu por traha. E personanan aki hopi
biaha ta fisicamente adecua pa e mercado laboral, pero no ta yega na oportunidad pa haya un trabou.
Despues di analisa e situacion, a opta pa hunto cu departamento di labor, DPL y Ministerio di asuntonan
social, a cuminsa haci un sondeo mas estricto di personanan cu ta puntra pa bijstand pero cu fisicamente
por traha.
Minister Croes ta convenci cu nos tin un comunidad di hendenan balente. Pa es rason, poco poco nos ta
continua cu e proceso importante aki no solamente den e aspecto financiero pa Gobierno, pero mirando
tambe cu e ta importante pa e persona mes. Esaki simplemente como cu unabez reintegra den e mercado
laboral, E no lo ta ricibiendo 400 florin mas pero kizas 1.800 te 2 mil Florin. E proyecto Ban Traha cu lo
continua den e luna benidero tin como meta su tras pa reintegra mas tanto hende posibel den e mercado
laobral.
Ademas Awendia tin un trajecto specifico pa entre 30 pa 35 persona ricibi e apoyo aki pa medio di curso
den un periodo di entrenamento y na mesun momento ta bin den contacto cu e sector priva pa asina nan
por wordo tuma na trabou. Esaki ta un compania cu nos a bay den contracto cune cu ta yuda e
personanan aki cu motivacion, training y curso pero banda di esey tambe ta pone nan den contacto cu
compania caminda nan por cuminsa traha.
Segun Minister Croes; Na momento cu nan haya un empleo fiho nos por bisa cu nos ta reintegrando
personanan directamente for di bijstand den e mercado laboral. Cu e impulso aki nos kier mira mas
hende na trabou, mi ta kere esey ta e meta primordial di e Ministerio aki. Pa finalisa e minister ta trece
dilianti: " Como Minister di Labor pa mi ta esencial pa sigui stimula participacion di hendenan riba
bijstand drenta den e mercado laboral, persona desemplea den mercado laboral, hendenan cu cierto
limitacion cu por traha tambe nos kier motiva nan pa yega na un empleo y asina crea oportunidadnan
miho pa nan mes"

Graduado di SVT 7 a haya trabou den cushina di
Marinierskazerne