Page 60 - miin soc 14th APRIL,2016

Prome Minister Mike Eman na e hobennan "Traha duro riba
boso talentonan pa un dia boso tambe ta un role model"

Wednesday, 13 April 2016 19:18
Comparti

Expo Hoben y Talentoso a yega scol basico Filomena College na San Nicolas y a wordo bon ricibi pa tanto
docente como alumnonan. Vocero di e proyecto 'Hoben y Talentoso' Jerwin Giel, kende ta un role model
su mes, a splica kico e proyecto ta encera, e idea su tras y su influencia positivo.

Prome Minister Eman, iniciado di e bunita proyecto aki cu ta bayendo den su di 4 aña, a wordo compaña
pa algun miembro di e comision cu ta traha riba e proyecto y tambe algun role model, a dirigi algun
palabra na e hobennan.
"E proyecto aki ta enfoca riba hobennan cu a resalta den deporte, literatura, fotografia, arte, musica y
mucho mas. Tur aña un cantidad grandi di hoben ta wordo escoge basa riba nan talentonan y kico nan a
haci cu esaki." Eman a bisa e hobennan cu tabata masha contento cu su bishita cu e motibo di nan
presencia ta pa inspira y apoya nan pa aki un par di aña nan tambe ta un role model y haya un lugar den
e buki di Hoben y Talentoso. Algun di e role modelnan cu ya a wordo reconoce tambe tabata na e EXPO
pa asina e hobennan haya oportunidad pa papia cu nan ny haci nan pregunta. Prome Minister a pidi
cabesante di e scol sr. Mario Nooien, pa yuda tambe den motiva e hobennan pa explora nan talentonan y
haci lo maximo pa probecha tur cu tin di e talentonan aki. "Papia cu e role modelnan y puntra nan kico
nan haci pa yega asina leu cu nan talentonan. Nan tey pa contesta boso preguntanan".