Page 3 - Extra
P. 3
Djabièrnè 19 Febrüari 2016 3
AGENTE
POLISIAL
ARESTA PA
VIOLENSIA
RELASHONAL
WILLEMSTAD. -
Investigashon ya andando
pa un par di tempu a kondusí
ayera na aresto di agente
polisial S.L., pa violensia
relashonal i menasa.
Den kurso di aña pasá,
a surgi un situashon ku a
kaba den entregá di un keho
kontra di e agente polisial
S.L.
Tabata un situashon ku
a surgi entre di e agente
polisial i su partner,
kaminda ku e agente pa
motibu di yalurs a manda
outo riba su partner.
E situashon aki a kue
un dimenshon di tal forma
ku e agente polisial no por
a dominá su mes mas i a
manda outo riba su partner.
E partner a logra skapa
e intento kontra di su bida
i esaki a pone ku e partner
a entregá keho kontra di e
agente polisial.
Tabata un situashon di
shòk pa e partner.
Ta trata di un suseso ku a
tuma lugá medio di aña pasá
i awor aki e investigashon
ta dje leu ei ku aresto ta
nesesario. Den deklarashon
pa redakshon di EXTRA sr.
Suares bosero di Kuerpo
Polisial a duna di konosé
ku e aresto tin di haber ku
menasa i maltrato.
Ta trata di un agente
polisial ku sea a yega òf ta
yegando su edat di baha ku
penshun denter korto.
