Page 5 - Extra

Djabièrnè 19 Febrüari 2016 5

LEI 80-20 NO A

BAI KONSEHO

DI MINISTER

...implementashon di e lei lo por tin
su implikashonnan...

WILLEMSTAD.- Tin minister mr. Ruthmilda
masha espektativa pa tende Larmonie-Cecilia
kiko ta bai pasa ku e lei
80-20 di Pueblo Soberano.
E asuntu aki a bolbe lantá
kabes último simannan,
sigur despues ku lidernan
di e partido PS a indiká ku
awor si mester publiká e lei
aki. Un di e dirigentenan di
PS a bisa ku e siman aki e lei
lo a bai Konseho di Minister.
EXTRA a puntra minister mr.
Ruthmilda Larmonie-Cecilia
kende a bisa ku e siman
aki e no a bai Konseho di
Minister ku e lei.

E lei 80-20 ta un lei
di inisiativa di frakshon
di Pueblo Soberano.
Parlamento a trat’é i a
aprobá e lei, pero te awe e
no a keda publiká. Tabata
e intenshon pa e siman
aki atrobe bai Konseho di
Minister ku e lei pa diskutí
algun detaye. Minister
Larmonie-Cecilia a splika
EXTRA ku e no a bai e
reunion di ministernan
ku e ‘dossier’, esaki debí
ku e tabatin algun dia ku
e no tabata na trabou i
konsekuentemente e no
ta kla pa bai Konseho di
Minister ku e ‘dossier’.
El a bisa ku e ta trahando
riba e materia. Tabata pa
motibunan fuera di su
alkanse ku e no a logra kaba
pa asina bai reunion ku e
materia aki.

EXTRA mester indiká
ku sektor privá a mustra
prekupashon relashoná ku
posibel implementashon
di e lei aki. Algun
parlamentario di koalishon,
asta a puntra si e lei lo por
haña aprobashon pa keda
publiká teniendo kuenta ku
algun detaye sumamente
delikado. EXTRA tin
informashon ekstraofisial
ku ta indiká ku si no keda
kla pa publiká e lei ku esei lo
por pone futuro di gabinete
Whiteman na peliger. Tras
di porta sera un dirigente
aktual di PS lo a bisa esei.
Sinembargo den seno di e
partido tin konosementu di
e implikashonnan ferfelu ku
e lei aki lo por trese kuné.