Page 48 - MIN.OTMAR ODUBER MAY 7

Aeropuerto lo inverti mas di 100 miyon dollar

Publication: Thursday, 7 May 2015. Categoria: General

James Fazzio di Aruba Airport Authority

ORANJESTAD (AAN): Inversionnan miyonario di parti di Aruba Airport Authority N.V.
(AAA) den e proximo dos pa cinco aña lo percura pa eficiencia den procesonan cu ta duna realce
na e experiencia personal di e biahero. James Fazio, CEO di AAA a duna splicacion na e
participantenan di ATCA 2015 tocante e diferente proyectonan cu ta den diferente fase di
planning y ehecucion na Aeropuerto Internacional Reina Beatrix pa cu inversionnan pa un total
di entre 100 pa 150 miyon dollar Mericano. E cambionan den e diseño di e aeropuerto lo ta
impactante.

ATCA 2015 ta e conferencia anual di turismo pa e mercado Norte Americano, unda tour
operators y otro partnernan clave pa turismo di Aruba ta ricibi e ultimo informacionnan di
desaroyonan na Aruba y ta reuni y negocia cu proveedornan di estadia, producto y servicionan.

James Fazio durante di e conferencia a wordo señala dor di un Tour Operator cu el a priminti 8
luna pasa cambionan den desaroyo di aeropuerto, entre otro e implementacion di e “Automated
Passport Control” kiosks. Cu gran asombro e tour operator a haya e confirmacion cu e proyecto a
wordo anuncia durante ATCA 2014 y e invitado a expresa cu el a keda contento di mira e
implementacion ya pa su siguiente bishita, cual tabata na december di e mesun aña.

“E experiencia di e pasahero y su deseonan ta nos prioridad”, asina James Fazio, CEO di Aruba
Airport Authority a sigui bisa. El a subraya e cambionan esencial den e proceso di inmigracion y
siguridad pa pasaheronan cu ta “US-bound”, uzando pre-clearance. “E crecemento den cantidad
di pasahero mester percura pa un procesamento di pasahero mas eficiente y pues ta trahando pa
elimina e “baggage claim” prome cu pasa inmigracion Mericano, como tambe e di dos chekeo di
siguridad, James Fazio ta remarca.

Esaki ta un proyecto cu lo dura algun aña y ta spera di por cuminsa cu construccion na
cuminsamento di otro aña, segun Fazio. E sistema di ekipahe ta e “centerpiece” di e proyectonan
cu mester tuma luga na un aeropuerto cu ta funciona den un sistema sostenibel.

Fazio a splica cu e “bentana” di operacion pa aeropuerto ta di 8 ora diario, mas vuelo y mas
pasahero no lo cambia esaki, pasobra simplemente no por distribui e vuelonan over di mas ora. E
ta keda un situacion un poco tradicional y pues mester busca forma nan pa maneha e fluho di