Page 10 - AM200929
P. 10
10 AWEMainta Diamars, 29 September 2020
Dama cu deseo di muri, canando mey-mey
caminda Avenida Nelson Oduber
DIADOMINGO algo prome cu Toque de Queda drenta na vig-
or, Polis a wordo pidi cu urgencia pa un dama cu tabatin deseo
di muri y tabata canando mey-mey di caminda Avenida Nelson
Oduber. Esaki sigur tabata forma peliger no pa su so, pero tambe
p’e automobilistanan cu den nan afan pa yega cas na ora.
Mesora un patruya di Strandpolitie a cuminsa busca y poco prome
cu e rotonde banda di Guardian, nan a bin topa cu e dama enber-
dad ainda e tabata canando meymey di caminda.
Mesora Polis a acerk’e y a cuminsa papia tur na bon cu ne. E
Polisnan a pidi’e p’e baha for di riba caminda pasobra e ta for-
mando un peliger pa su persona. E dama enbes di sigui orden di
Polis a cuminsa insulta Polis den tur sentido di palabra y no kier
a tende. E agentenan policial na dado momento a bisa ta basta y
a bay atende cu ne na un otro forma.
E dama a bira hopi razo y kier a bringa cu e agentenan policial.
No a keda e agentenan nada otro cu detene e dama aki y pone plat
na vloer.
E dama su pareha lo a yega n’e sitio y a splica Polis cu e dama
ta sufri di depresion y tabata bou influencia di alcohol. El a bay
busca su pareha na trabou y bayendo direccion di cas, e dama a
pidi su pareha p’e baha for di auto y e dama a cuminsa cana.
Mesora e pareha a dicidi di yama Polis p’asina evita lo peor. Po-
lis a tuma tur dato di e pareha y despues a pidi pa presencia di
transportwagen pa transporta e dama pa Warda di Polis na Sha-
ba caminda e lo haya un lugar p’e sosega y calma.
