Page 29 - MIN.ON MARCH 9,2015

rond di nos como hende muhe, incluso 4 conferencia di hende muhe unda miles di hende muhe a
participa. Mi ta desea tur hende muhe hopi curashi, felicidad, sabiduria, energia y compasion riba nan
dia”, Minister Michelle Hooyboer–Winklaar a termina bisando.

http://www.24ora.com/politica-mainmenu-18/92638-tur-cos-cu-haci-den-ensenansa-ta-mara-na-yuda-
nos-maestronan-logra-nan-metanan-tambe

Tur cos cu haci den enseñansa ta mara na yuda nos
maestronan logra nan metanan tambe

Sunday, 08 March 2015 19:19
Comparti

Minister Michelle Hooyboer-Winklaar a splica cu for di comienso, ora cu el a asumi responsabilidad pa
maneho di enseñansa, el a pone su dilanti e determinacion cu tur cos cu haci den enseñansa ta mara na
con por yuda e maestro logra su metanan tambe.
Naturalmente e metanan mester ta basa riba e principio di “e alumno ta central” y den e cuadro aki ta
duna apoyo na e maestro pa e por maneha diferente situacionnan cu ta presenta den su klas. Pa por
“deal” cu 25 alumno cu cada uno tin nan propio necesidadnan ta rekeri hopi di e maestro y ta necesario
pa yud’e yega na e instrumentonan of dune e instrumentonan pa haci esaki. Minister Hooyboer-Winklaar
a splica cu estudionan ta mustra cu mas bo inverti den e maestronan y cabesantenan di scol pa duna nan
e instrumentonan necesario pa guia e studiantenan miho, na momento cu e instrumentonan aki wordo
aplica, e studiante ta presta miho na scol. Pues e inversion den e desaroyo di e maestro ta un inversion
den su alumnonan tambe, cu un efecto directo y notabel. E minister cu esaki ta subraya e importancia
grandi pa inverti den e personanan cu mester percura pa enseñansa di calidad, banda di inversionnan
den por ehempel infrastructura. El a splica cu p’esey a aplica y a ricibi tambe extension pa ripiti un
programa special na Universidad di Aruba cu ta dirigi na cabesantenan, directornan di scol,
cabesantenan suplente y tur persona cu ta aspira pa bira un lider den enseñansa. Recientemente e prome
programa, cu a cuminsa aña pasa, a culmina cu e celebracion di graduacion di 19 persona. E programa ta
financia pa Union Europeo.Aruba a pidi extension di e financiamento y organisacion di e programa pa
por ofrece esaki na mas maestro y a haya garantia di Union Europeo pa un total di cinco aña. Bintishete
studiante a inscribi pa e di dos grupo. E curso ta atende cu temanan manera con ta resolve retonan cu ta
keda presenta den enseñansa y otro topiconan di importancia pa lidernan y futuro lidernan den
enseñansa. Esunnan cu a completa e programa den e prome grupo a expresa cu loke nan a siña tabata
efectivo y a beneficia nan den nan trabao y a splica tambe di ki manera. Minister Hooyboer-Winklaar a
comenta cu di parti di su ministerio nan ta hopi contento y entusiasma cu e programa y su resultadonan
y ta premira cu e interes di parti di e maestronan pa e programa aki lo sigui halto

http://www.24ora.com/politica-mainmenu-18/92654-minister-winklaar-renobacion-di-scolnan-na-un-
total-di-37-miyon-ta-den-proceso