Page 46 - KPA Feb 23, 2015

Homber cu a tira den Village despues di Carnaval di San
Nicolas ta deteni

Sunday, 22 February 2015 18:23
Comparti

A base di un investigacion intensivo di recherche na San Nicolas a logra na detene e homber cu a tira riba
un otro. Esaki a sosode den Village riba dia di carnaval. Ainda no a haya e arma pero e sospechoso si ta
deteni.
A drenta diferente cas pa listra y busca e arma pero te ainda no a topa cune. Ainda falta un sospechoso
mas cu keto bai ta scondi. Esaki ta un sospechoso cu a haci uso di un palo di golf pa asina agredi e
victima. Team di Aresto ta envolvi den e diferente accionnan na San Nicolas. Na Cura Cabai Noord mes
estilo pelicula a blokia auto riba caminda y manda tur hende plat na tera. Aki a haci un di e prome
detencionnan y confisca auto tambe. Despues a diferente otro entradanan tambe a tuma lugar. Tur esaki
a sosode den fin di siman den oranan di mainta. E victima mes despues di haya e tiro pa motibo di miedo
cu nan por buske no a busca yudanza medico. E herida ta basta serio na garganta pero e bala no a penetra
bon. E bala a raspe basta hundo si. Na prome instante no a yega na recherche pero despues si a logra
haya informacion di e victima. Asina a logra acumula informacion necesario pa bai tras di esun cu a tira
primeramente. Parce cu falta mas declaracion pa wordo tuma riba e caso serio. E problema aki ta uno cu
ta data di algun tempo cu no a termina ainda y a culmina den tiramento riba dia di Carnaval na San
Nicolas. Recherche di San Nicolas no ta laga e asunto aki keto pero ta tirando fuertemente riba e caso pa
asina tin tur esnan culpable tras di trali.