Page 74 - MIN VOS - JUNI 16,2015

of saca articulonan tocante bo caso. Tuma un posicion contra stereotipo existente of actonan
discriminatorio di nos grandinan.
4. Contribui door di bishita un persona mayor di edad cu ta biba su so, invita e persona aki na un
actividad of pidie pa siñabo un abilidad nobo.
5. Inscribi bo mes como voluntario na un organisacion cu ta para contra abuso di anciano, tambe por
inscribi bo mes na un organisacion cu ta parti cuminda saludabel pa nos grandinan, etc.

Proyecto “STOP ABUSO DI ANCIANO” activo desde 2009 na Aruba
Na 2009 Fundacion Alzheimer Aruba (F.A.A.) a bira miembro internacional di INPEA y ta apoya e trabou
di trece conscientisacion riba e materia aki na Aruba cu e proyecto “STOP ABUSO DI ANCIANO”. Na
2009 Fundacion Alzheimer Aruba a ranca sali cu algun articulo tocante maramento di anciano pa tempo
no-defini. E tarea di conscientisacion aki NO ta un tarea facil. Esaki pa motibo cu ainda hopi biaha e
cuidador/famia sa bira defensivo ora trece sospecho di maltrato/abuso di anciano dilanti.
Compara cu otro paisnan, na Aruba tambe ainda ta existi un taboe enorme y tin un tendencia di haci
como si fuera e abusonan aki no ta tuma luga of no ta existi mes. Ni den facilidadnan di cuido temporal of
permanente of den nos comunidad en general. Si un sospecho of un caso wordo cuestiona, esaki ta trigger
un liña di defensa y hasta atakenan. Un di e motibonan pa e defensa aki ta pasobra e maneho riba tereno
di bienestar di nos grandinan cu tin un of otro handicap ta laga hopi di desea. Y sa di keda solamente riba
papel.
Un ehempel: Un anciano cu a wordo maltrata pa su cuidado y cu muestra di herida, sa di haña solamente
un scual y e instancia no ta tuma ni e decencia di bay pidi despensa na e victima di abuso aki. Sino ta
skirbi simplemente un carta di lamento, mientras e abuso a wordo comete na un ser humano cu merece di
wordo respeta como tal. Tambe tin caso di abuso cu ora esakinan wordo raporta ta wordo bagatelisa y
silencia. Esnan cu ta duna keho cerca e instancia concerni, sa sali decepciona y ta keda sufri den silencio.
Hopi biaha pasobra nan no sa mas unda pa busca comprension. Tambe tin caso di personanan cu te dia di
awe nunca ser haya; anto riba un isla asina chikito manera Aruba y unda famianan ta haya tende cu e ta
un caso friu (“cold case”) y por bien warda pa 5 aña pasa pa declara esun perdi morto. Esakinan ta algun
ehempel cu na nan turno por habri porta pa un abuso no wordo raporta, pasobra esaki ‘no ta wordo tuma
na serio toch’ y no ta wordo investiga optimal.
Pa mas informacion riba e topico aki por tuma contacto cu Fundacion Alzheimer Aruba, mencionando
Proyecto “STOP ABUSO DI ANCIANO”
Tel: 592 8416 tambe por bishita nos pagina riba Facebook.

http://www.24ora.com/local-mainmenu-5/96358-dia-mundial-di-conscientisacion-di-abuso-di-anciano-

2015