Page 76 - MIN VOS - JUNI 16,2015
P. 76
Parlamentario Jennifer Arends-Reyes: Aruba pronto lo conoce
un adaptacion di e ley existente pa permiso pa hotelnan
on: Tuesday, June 16, 2015In: PoliticaNo Comments
Print Email
Segun sra. Arends-Reyes den calidad di presidente di comision di Turismo dialuna dia 15 di Juni
ultimo, a trata e topico di maneho pa cu hotelnan Al-Inclusive pa nos isla. Presente tabata
Minister Otmar Oduber, Minister Alex Schwengle y directora di ATA na e reunion importante
aki caminda cu a presenta un concepto di e cambionan pa e ley di permiso pa hotel. Den e
concepto aki ta duna espacio pa gobierno tin mas di bisa na momento di un benta di hotel of
‘take-over’. Den e caso aki pa e vision di gobierno pa cu maneho di Turismo no sali for di su
poder pa regulacion. Tambe ta propone den e ley entre otro control mas estricto ariba otro
acomodacionnan cu no ta hotel por ehempel casnan di famia cu na momento ta huur cambernan
pa un persona of mas cu meta turistico nan lo tin cu cumpli cu mas rekisito. E adaptacionnan cu
lo drenta na vigor dentro di poco a ser haci den palabracion cu diferente stakeholder importante y
desde dialuna Parlamento tambe a haya e oportunidad di tuma nota di e cambionan proponi. E
reunion tabata uno cu a trece claridad riba e tema di hotelnan Al-Inclusive y a pone bon enfasis
cu nos maneho pa cu Turismo ta keda uno diferente y di calidad den Caribe. Na momentonan aki
nos ta papia di un ‘mix’ ratio di hotelnan Al-Inclusive cu ta na 30% vs 70% di hotelnan EP
(European Plan) caminda cu e cumindanan no ta inclui den e prijs di camber. Aruba kier
mantene su porcentahe den e trend aki pa no bira mescos cu den Caribe cu e porcentahe di
hotelnan Al-Inclusive ta casi 70% di tur hotelnan. Di parti di Parlamento nos ta desea di wak e
cambionan den e ley aki pa permisonan pa hotel pasa mas pronto cu ta posibel cu cooperacion di
Raad van Advies/Conseho Consultativo sra. Arends-Reyes ta termina.
http://masnoticia.com/parlamentario-jennifer-arends-reyes-aruba-pronto-lo-conoce-un-adaptacion-di-
e-ley-existente-pa-permiso-pa-hotelnan/
