Page 98 - MIN VOS - JUNI 16,2015

Mayoria di biaha e circulacion ta e problema. Pesey mester zorg pa e sucu, colesterol y presion ta
na un bon nivel”, sra. van Vliet a subraya.

E dama a menciona tambe cu na Aruba 70 porciento di nos poblacion tin sobrepeso y 40
porciento ta obeso. Sobrepeso y obesidad ta dos di e factornan liga na desaroyo di Diabetes, y e
ta preocupa cu e edad pa bira diabetico ta bahando y alcanzando hendenan hopi hoben cu ta
wordo diagnostica cu Diabetes tipo 2, cu antes tabata un malesa mas bien di hendenan di edad
grandi.

Charla di diaranzon awor

Sra. van Vliet tambe ta bay ta presente durante e charla di diaranzon awor. E specialistanan ta
bay duna e charla y nan ta Dr. Garcia, Dr. Falconi, y Dr. Cheng.

“Mi ta bay duna splicacion tocante mi proyecto. Kico e ta encera y kico ta e meta su tras”, sra.
van Vliet a duna di conoce.

Invitacion:

Sra. van Vliet ta invita henter pueblo di Aruba pa bin scucha e charlanan aki, cu ta sumamente
valioso pa nos comunidad.

“Ta wordo bisa cu na Aruba tin seis mil diabetico registra pero mi ta sigur cu eyfo tin mucho
mas cu no sa cu nan ta sufriendo di Diabetes. Pesey mi interes ta grandi pa mas hende posible bin
na e charlanan aki”, sra. van Vliet a conclui.

http://www.diario.aw/2015/06/jeritza-van-vliet-lo-papia-tocante-su-proyecto-riba-maneho-di-diabetes-
na-aruba/