Page 25 - flip min.soc

Aruba Boot Camp a forma parti pa prome biaha den e defile 18 di Maart 2015, dia di nos himno y
Bandera Nacional. Pa nos e tawata un experenciia inolvidabel. Nos ta hopi orguyoso di nos hobennan cu
a marcha. Nan a train duro wardando e dia jega.
Nos hobennan jegando serca di nos mandatarionan a Saluda nan cu tur respet meresi y despues a bira
cara pa Saluda tur esnan cu ta mira nos via canal di television. Nos kier a gradesi tur e publiko presente
cu a laga nos hobennan sinti con importante nan ta y e decision cu nan a tuma pa un cambio den nan
bida. Publiconan presente a saludanan, a aplaudi nan, a dirigi palabranan positivo na nan bisando nan
hopi bon, no give up, cu nan ta hopi proud di nan y esei a duna nan mas curashi na marcha y sigi cu un
mente positivo. Aruba Boot Camp ta un Fundacion pa Pueblo. Pa juda cada mayor cu tin dificultad cu
nan yiunan y no sa mas kiko pa hasi. Awor nan sa y mirando 25 hoben riba caminda ta marcha y cu nan
ta den Boot Camp pa un cambio awor tur mayor sa cu tin un Fundacion cu porta habri pa juda nan yiu
tambe. Nunca perde speransa ni con difisil e situacion por mustra. Si bo por a bai hopi caminda y pa un
motibo of otro no a logra hanja un judansa pa bo yiu no give up riba dje. Den 100 mester tin un cu por
juda y na no give up lo bo encontra bo mes cu e un cu por tin tur e posibilidat pa juda e mucha bai bek
riba e bon caminda.Aruba Boot Camp su portanan ta semper habri. Nos ta kere cu si den e 25 hobennan
cu nos tin y nos a mira cambio den nan, nan a mira cambio den nan mes, nan mayornan a mira
cambionan, e skol cu nan ta bai tambe a mira cambio anto nos ta kere cu si bo yiu cu ta den Boot Camp
y ta number 50 anto bo tambe mester por mira cambio den dje y e den su mes. Ningun mucha cu ta den
mal caminda cu tin mal comportacion ta nifica cu e ta totalmente perdi. Kisas e mes no ta corda con pa
hanja e salida. Pa drenta den e mundo perdi ta fasil, pa Sali di bek nan mester di un hende pa sacanan.
Si tin mayor cu kier pa nan yiu ta parti di Aruba Boot Camp y cu nos ta bo last hope anto jama nos
libremente na 566748/5933156/ 5944378, por message nos, whatsapp nos of manda nos un email na
Directorarubabootcamp@outlook.com /Secretarisarubabootcamp@outlook.com.

Di parti Aruba Boot Camp un Danki na Boso tur pa e aseptacion y nos lo sigi traha cu cuerpo y alma y cu
hopi amor y dedicacion pa mira y juda cada hoben bai bek riba e bon caminda.Un Danki na Gilbert
Koolman cu a sponsor tur e T-Shirt di Aruba Boot Camp y Un Danki na Tur e Mayornan cu a zorg pa
cumpra nan carson y Boots y Kets. Danki na tur cu a juda cu e Muchanan por a ta bon uniforma!! Danki
di Curason y Danki pa kere den Nos!!

http://masnoticia.com/aruba-boot-camp-su-prome-ana-den-defile-himno-y-bandera-18-di-maart-2015/