Page 40 - EXTRA MARCH 10,2016
P. 40
40 Djaweps 10 Mart 2016
Kontinuashon di pagina 3
NO A HAÑA MAS KASO...
dia.
E investigashon no
solamente ta konsentrá riba
loke a pasa, pero tambe e
direktiva di e instituto.
Pa loke ta trata kasonan
di abusu seksual kontra di e
muchanan, minister a bisa
EXTRA ku investigadónan
no a haña indikashon di
mas dje tipo di kasonan ei.
Manera ariba indiká
kaba, den luna yanüari
minister a disidí di lanta un
komishon ku a bai enkargá
ku un investigashon
profundo den e kaso di
Kinderoorden Brakkeput.
E komishon ta enkabesá
pa
e sikólogo sra. Lee
Martina.
E intenshon di e
investigashon ta pa kuminsá
mesora ku investigashon na
Kinderoorden Brakkeput i
ku tempu lo sigui pa e otro
institushonnan di e mesun
tipo aki, pa asina garantisá
ku hóbennan ta risibí e
kalidat di kuido pa kual
gobièrnu ta paga.
Pero ya kaba tabatin
den su plan pa drenta na
institutonan unda ta aloká
hóbennan, pero mirando ku
e sentro aki tabata esun mas
den notisia último tempu, a
opta pa kuminsá aki ku e
investigashonnan.
Sra. Martina a indiká
ku denter di sinku siman
lo mester ta asina leu
ku e investigashon i e
konklushon den kaso di
Kinderoorden Brakkeput.
Pues e investigashon a
avansá hopi te ku minister
tin e promé informe.
