Page 43 - EXTRA MARCH 10,2016

Djaweps 10 Mart 2016 43

Kontinuashon di pag 10
KOMISHON DI

su ‘opsporing’, saka afó
ta di unda e komentario a
sali, i e bai Korte ku esaki.
Segun EXTRA el a haña e
informashon ku e komishon
no ta funshoná meskos ku
tur hende a les’é.

“Mi ta haña e aktitut
di sra. Philbert hopi baho,
pasó mi sa ku el a buska
kontakto ku presidente di e
komishon di retiru sra.

Frieda Pais, tambe e
otronan pa akusá mi persona
di a lèk informashon na
EXTRA. Mi ta biba den un
pais demokrátiko i mi tin
tur derecho di ekspreshon.
Pero ora mi papia mi ta para
tras di mi deklarashonnan.
No ta na sra. Philbert
ku tin su problemanan
personal ku gobièrnu pa
mustra dede riba mi. Mi
reputashon komo miembro
di e komishon di retiru ta
intachabel i mi no ta aseptá
niun akusashon di e señora
ei”, asina sr. Zimmerman a
bisa enfátikamente.

“Tambe mi kier mustra
sra. Donna ku no ta na ami,
i mi ta kere ningun otro
miembro di e komishon
di Retiro, pa yama e
funshonario en kestion, i
inform’é ku no tin reunion
di komishon, ni tampoko
ku e persona enkargá ku e
asuntunan ei ta malu.

Esei ta trabou di sra.
Philbert, i no ta mi tarea,
asina ta, ku di mi parti no
por tin ningun yamamentu
pa reklamá ningun hende
ku nan por bai òf bin traha
pa motibu di malesa, si
e ta malu ta sra. Philbert
su tarea pa buska un
remplasante.

Mi kier bisa ku esun ku
a papia esei ei ta keda pa
su kuenta, i pa otronan
tambe sa i no di ami Pablo
Zimmerman. Ora mi papia
mi ta keda para tras di loke
mi bisa.

Mi ta reta sra. Philbert
abiertamente ku si e ta
sinti su mes ofendí manera
e mes a bisa awe den su
komentario, ku e asuntu a
pasa nèt riba dia di hende
muhé, por fabor e buska
otro hende pa e mòrs kuné
i no ku Pablo Zimmerman”,
asina sr. Zimmerman a
finalisá su deklarashon
na EXTRA. Nos redakshon
tambe ta sera e novela aki.