Page 43 - MIN JUS
P. 43
FADA celebrando e prome lustro
di nan Siman di Locura
13 October, 2017
0
Ya ta 5 aña cu Fundacion Anti Droga Aruba ta celebra e siman di bisti na locura
pa asina combati e droga y alcohol cu ta halto na Aruba. Sra Rulienne Arends,
trahado preventivo di FADA ta splica mas di esaki.
FADA lo celebra e Red Ribbon Week, un actividad cu nan tin pa algun aña caba.
E siman di cinta cora mes ta un tradicion di hopi aña cu a cuminsa na 1985 na
Mexico. Y di eynan FADA tambe a tum’e over pa na luna di October, pa un
siman largo nan ta bisti e cinta cora. Esaki ta pa demostra cu nan ta contra e
abuso di droga y alcohol. Aña pasa e tabata un exito super grandi y e aña aki,
por bisa ya caba cu e lo ta mas grandi cu aña pasa. Sin duna mucho
informacion caba, riba Facebook ya caba hendenan tabata message y comment
riba e poster, nan tabata puntra kico ta bay tin e siman aki.
